الماتىدا نەسيە بەرۋ سالاسىندا ازاماتتاردى الداعان ايەلدەر ۇستالدى، دەپ حابارلايدى Almaty-akshamy.kz
اتاپ ايتقاندا، 19 جانە 30 جاستاعى كۇدىكتىلەر تۇتىنۋشىلىق جانە تاۋارلىق نەسيە الۋدا “كومەكشى” رەتىندە ارەكەت ەتكەن.
– كۇدىكتىلەر ينتەرنەت الاڭدارىندا جۇمىس ىستەگەن. تەرگەۋدىڭ وسى كەزەڭىندە ولاردىڭ 8 الاياقتىق فاكتىسىنە قاتىستىلىعى انىقتالدى. ايەلدەر جەلى قولدانۋشىلاردى حابارلاندىرۋ سايتى ارقىلى اۋقىمدى نەسيەلەندىرۋ سالاسىنداعى وزدەرىنىڭ “مۇمكىندىكتەرى” تۋرالى حاباردار ەتتى. كليەنتتەرگە تاۋارلىق نەسيەنى راسىمدەگەننەن كەيىن بۇل تۋرالى اقپارات ەش جەردە جازىلمايدى جانە قارىز وزدىگىنەن جويىلادى دەپ ۋادە بەردى. مىسالى، ولار ميلليون تەڭگەگە نەسيە العان بولسا، ونىڭ 100 مىڭى نەسيە راسىمدەۋشىگە بەرىلىپ، قالعانىن وزدەرىنە قالدىرعان، – دەيدى جەتىسۋ اۋداندىق پوليسيا باسقارماسى باستىعىنىڭ ورىنباسارى اسحات داۋلەتياروۆ.
بۇل فاكت سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 190-بابى 1-بولىمىنە سايكەس قىلمىستىق قۇقىقبۇزۋشىلىق بەلگىلەرى بويىنشا تىركەلدى.