الماتى پوليسياسى قىزمەتتىڭ كۇشەيتىلگەن نۇسقاسىنا كوشىرىلدى
قوعامدىق ءتارتىپتى قامتاماسىز ەتۋ، قىلمىستاردىڭ، سونداي-اق باسقا دا زاڭسىز ارەكەتتەردىڭ دەر كەزىندە الدىن الۋ جانە جولىن كەسۋ ماقساتىندا الماتى پوليسياسى قىزمەتتىڭ كۇشەيتىلگەن نۇسقاسىنا كوشىرىلدى. وسىعان وراي پد-نىڭ باسشىسى ارىستانعاني زاپپاروۆ الماتى گارنيزونىنا ءبىرىڭعاي ساپتۇزەۋ وتكىزدى.
– قۇرمەتتى ارىپتەستەر! قالامىزداعى قوعامدىق قاۋىپسىزدىكتىڭ جاي-كۇيى سىزدەردىڭ شۇعىل ارەكەت ەتۋلەرىڭىزگە جانە ناتيجەلى جۇمىستارىڭىزعا تىكەلەي بايلانىستى. بۇگىنگى تاڭدا الماتى پوليسياسىنىڭ الدىڭعى قاتارلى ماتەريالدىق-تەحنيكالىق بازاسى بار جانە قىلمىسقا قارسى كۇرەسۋگە، قۇقىقتىق ءتارتىپتى نىعايتۋعا قاجەتتىنىڭ بارىمەن قامتاماسىز ەتىلگەن. سونىمەن قاتار ازاماتتاردىڭ كونستيتۋسيالىق قۇقىقتارى مەن بوستاندىقتارىن قورعاۋ ىشكى ىستەر ورگاندارىنىڭ ءبىرىنشى كەزەكتەگى مىندەتى ەكەنىن ءارقاشان ەستە ۇستاعان ءجون، – دەدى ارىستانعاني زاپپاروۆ.
سونداي-اق الماتى پوليسياسىنىڭ باسشىسى ىشكى ىستەر مينيسترلىگىنىڭ قىزمەت كورسەتۋدىڭ سەرۆيستىك مودەلىنە كوشۋ جونىندەگى باسىم تۇجىرىمدامالارىنىڭ ءبىرىن جۇزەگە اسىرۋعا ەرەكشە نازار اۋداردى. تەكسەرۋ بارىسىندا الدىڭعى شەپتەگى بولىمشەلەردىڭ كيىمى مەن تەحنيكالىق قۇرالدارى تەكسەرىلدى. ال جوعارى ناتيجە كورسەتكەن پوليسيا قىزمەتكەرلەرىن پد باسشىلىعى ماراپاتتادى.