الماتىلىقتار نازارىنا!
الداعى ەكى تاۋلىك بويى الماتى قالاسىندا قالىڭ قار جاۋىپ، اۋا تەمپەراتۋراسى تۇندە 18، كۇندىز 15 گرادۋسقا دەيىن تومەندەپ، اياز بولادى دەپ كۇتىلۋدە. سينوپتيكتەردىڭ بولجامى بويىنشا، ودان كەيىنگى كۇندەرى 25 گرادۋسقا دەيىنگى قاتتى اياز بولادى، دەپ حابارلايدى Almaty-akshamy.kz.
قالانىڭ كوممۋنالدىق قىزمەتتەرى كۇشەيتىلگەن رەجيمدە جۇمىس جاساۋدا، وندىرىستىك بازالاردا تاۋلىك بويى كەزەكشىلىك ۇيىمداستىرىلدى.
«كوكتايعاقتىڭ پايدا بولۋىنا بايلانىستى جۇرگىزۋشىلەرگە جىلدامدىقتى ازايتىپ، كولىك اراسىنداعى ارقاشىقتىقتى ۇلعايتۋعا كەڭەس بەرەمىز. ال جاياۋ جۇرگىنشىلەردىڭ تروتۋارلارمەن جۇرگەندە اباي بولۋلارىن سۇرايمىز. جۇمىسقا كەشىگۋدىڭ الدىن الۋ ءۇشىن ۇيىڭىزدەن ەرتەرەك ءارى جىلى كيىنىپ شىعۋعا كەڭەس بەرىلەدى.
قۇرمەتتى قالا تۇرعىندارى! جول جۇرگەندە اباي بولىپ، ومىرلەرىڭىزگە ءقاۋىپ توندىرمەڭىزدەر»، - دەلىنگەن الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسىنىڭ ەسكەرتۋ حابارلاماسىندا.