«Almaty Business Development Company» الماتى قالاسىنىڭ بيزنەستى دامىتۋ كومپانياسىمەن سۇيەمەلدەنەتىن ينۆەستيسيالىق جوبا «الاتاۋ» يننوۆاسيالىق تەحنولوگيالار پاركى ارنايى ەكونوميكالىق ايماعىندا ىسكە اسىرىلاتىن بولادى. وندا زاۋىت قۇرىلىسىنا شيكىزات جەتكىزۋ جانە دايىن ءونىمدى تيەپ-جونەلتۋ ءۇشىن ىڭعايلى لوگيستيكالىق ورنالاسۋدى قامتاماسىز ەتەتىن، اۋدانى 2 گەكتاردان استام جەر ۋچاسكەسى ءبولىندى.
اۋدانى شامامەن 2،5 مىڭ شارشى مەتر بولاتىن كاسىپورىن جىل سايىن 250 000 كۇن ءمودۋلىن شىعارادى. ءبىر ءمودۋلدىڭ قۋاتى 585 ۆت-تان باستالادى. ءونىم «TGS-Solar» برەندىمەن شىعارىلادى. كاسىپورىننىڭ ىسكە قوسىلۋى اعىمداعى جىلدىڭ جەلتوقسان ايىنا جوسپارلانعان.
زاۋتتىڭ جىلدىق قۋاتتىلىعى 150 مۆت. زاۋىت زاماناۋي جابدىقتارمەن، سونىڭ ىشىندە كۇن پانەلدەرىن قۇراستىرۋعا ارنالعان اۆتوماتتى جەلىلەرمەن، لازەرلىك پلازمالىق كەسكىشتەرمەن جانە اۆتوماتتى دانەكەرلەۋ ماشينالارىمەن جابدىقتالادى. زاۋىت قالالىق ەكونوميكانى دامىتۋدىڭ قوسىمشا ىنتالاندىرۋشىسى بولادى، 100-دەن استام جاڭا جۇمىس ورىندارىن قۇرادى، سونداي-اق قازاقستاندىق قۇرامداس بولىكتەر مەن ماتەريالدار وندىرۋشىلەرىنىڭ تىزبەگىن قالىپتاستىراتىن بولادى.
زاۋىتقا كرەديت بەرۋدى «Almaty Business-2025» كاسىپكەرلىكتى دامىتۋدىڭ وڭىرلىك باعدارلاماسى شەڭبەرىندە «Altyn Group» ج ش س جۇزەگە اسىرادى. كرەديتتىك ليميت بويىنشا سىياقى ستاۆكاسى 6%، قارجىلاندىرۋ مەرزىمى - 7 جىلدى قۇرايدى. «الماتى فينانس» قارىز قاراجاتىن ەسكەرە وتىرىپ، ينۆەستيسيالاردىڭ جالپى سوماسى 2،1 ملرد تەڭگەدەن اسادى.
جوبانىڭ ماقساتى – جاڭارتىلاتىن ەنەرگەتيكانى دامىتۋ جانە ەلدەگى كۇن پانەلدەرىنە ءوسىپ كەلە جاتقان سۇرانىستى قاناعاتتاندىرۋ.
قازىرگى ۋاقىتتا ق ر جەك ۇلەسى 5،8% قۇرايدى، 2035 جىلعا قاراي 16%-عا دەيىن ۇلعايتۋ جوسپارلانۋدا. كۇن پانەلدەرىن ءوندىرۋ زاۋىتىنىڭ قۇرىلىسى قازاقستان رەسپۋبليكاسى پرەزيدەنتى قاسىم-جومارت توقايەۆتىڭ ەنەرگەتيكالىق ماشينا جاساۋدى دامىتۋ، 2060 جىلعا قاراي كومىرتەگى بەيتاراپتىعىنا قول جەتكىزۋ، 2029 جىلعا قاراي قازاقستان رەسپۋبليكاسىنىڭ ءجىو-ىن ەكى ەسەگە ارتتىرۋ جانە قازاقستان رەسپۋبليكاسىنىڭ ەكسپورتتىق الەۋەتىن كۇشەيتۋ جونىندەگى تالاپتارىنا سايكەس جۇزەگە اسىرىلادى.