قۇرىلىس قۇنى – 1،3 ملرد تەڭگە.
الماتىدا كرەماتورييدىڭ قۇرىلىسى اياقتالدى. بۇل تۋرالى قالالىق اكىمدىكتىڭ باسپا ءسوز قىزمەتىنەن ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كرەماتورييدىڭ قۇرىلىس جۇمىستارى 2021 جىلدىڭ جەلتوقسانىندا اياقتالدى. بۇگىنگى تاڭدا سىرتقى ينجەنەرلىك جەلىلەردى، ونىڭ ىشىندە ورناتىلعان پەشتەردى پايدالانۋ ءۇشىن گازبەن جابدىقتاۋ جەلىسىن تارتۋ جۇمىستارى جۇرگىزىلۋدە. كرەماتورييدى 2022 جىلدىڭ مامىرىندا قوسۋ جوسپاردا»، - دەپ جاۋاپ بەردى قالا اكىمدىگىنەن.
كەلىسىمشارتقا سايكەس، كرەماتوريي الماتى قالاسى، الاتاۋ اۋدانى اقىن سارا كوشەسىنىڭ سولتۇستىك بولىگىندە، جەو-2 شىعىسىنا قاراي ورنالاسقان پاتولوگواناتوميالىق بيۋرو جانىنان (سىرتقى ينجەنەرلىك جەلىلەرسىز) سالىندى.
قازىرگى ۋاقىتتا قازاقستاندا كرەماتورييدىڭ جۇمىس ىستەۋ قاعيدالارى، سونداي-اق ءمايتتى كرەماسياعا قابىلداۋ ەرەجەلەرى ازىرلەنۋدە.
ايتا كەتەيىك، 2020 جىلدىڭ جازىندا كرەماتوريي قۇرىلىسىنىڭ جوبالىق-سمەتالىق قۇجاتتارىن جاساۋعا تەندەر جاريالانعان بولاتىن.
تاپسىرىس بەرۋشى – الماتى قالاسى جايلى قالالىق ورتا باسقارماسى.