الماتى قالاسىنىڭ سىبايلاس جەمقورلىققا قارسى قىزمەتى مەن قالا اكىمدىگىنىڭ ۇيىمداستىرۋىمەن ديزاينەرلەر اراسىندا جەمقورلىققا قارسى تاقىرىپتا بيلبوردتار بايقاۋى باستالدى.
بايقاۋدىڭ باستاماشىلارى ديزاينەر-سۋرەتشىلەرگە ۇلكەن شىعارماشىلىق ەركىندىك بەرەدى جانە ولاردان سىبايلاس جەمقورلىققا قارسى سيپاتتاعى اقپاراتتى كەڭ اۋديتورياعا جەتكىزۋ ءۇشىن جاڭا كوزقاراستار مەن ەرەكشە تاسىلدەر كۇتەدى.
سىبايلاس جەمقورلىققا قارسى بيلبوردتار - سىبايلاس جەمقورلىق پروبلەماسىنا جۇرتشىلىقتىڭ نازارىن اۋدارۋ جانە ازاماتتاردىڭ سىبايلاس جەمقورلىققا قارسى دۇنيەتانىمىن نىعايتۋ بويىنشا جەتكىلىكتى ءتيىمدى قۇرال.
قاتىسۋشىلار ءار ءتۇرلى سۋرەت سالۋ تەحنيكاسىندا، سونداي-اق گرافيكالىق رەداكتورلاردا كوركەم جانە شىعارماشىلىق جۇمىستاردى ۇسىنا الادى.
جۇمىستاردى قابىلداۋ 2023 جىلعى 5 قازاننان 5 قاراشاعا دەيىنگى مەرزىمدە، ەسكيزدى almatyanticorruption@mail.ru ەلەكتروندىق پوشتاسىنا جولداي وتىرىپ جۇزەگە اسىرىلادى.
بايقاۋ جەڭىمپازدارىن باعالى ەستەلىك سىيلىقتار كۇتەدى.
ءداستۇر بويىنشا كونكۋرستىڭ قورىتىندىسىن شىعارۋدى حالىقارالىق سىبايلاس جەمقورلىققا قارسى كۇرەس كۇنىنە - 9 جەلتوقسانعا ورايلاستىرۋ جوسپارلانۋدا.