ق ر كونستيتۋسياسى كۇنى قارساڭىندا الماتىدا كوزگە تۇسكەن پوليسيا قىزمەتكەرلەرى ماراپاتتالدى.
قازاقستان رەسپۋبليكاسى كونستيتۋسياسىنىڭ 28 جىلدىعىنا وراي الماتى پوليسيا گارنيزونىنىڭ 130-دان استام پوليسيا قىزمەتكەرى ماراپاتتالدى، دەپ حابارلايدى Almaty-akshamy.kz.
Polisia.kzء-تىڭ مالىمەتىنشە، مەملەكەتتىك شارانى تويلاۋ بۇرىنعى قازاق كسر ۇكىمەت ءۇيىنىڭ، قازىرگى قازاق-بريتان ۋنيۆەرسيتەتىنىڭ تاريحي زالىندا ءوتتى.
«قۇرمەتتى ارىپتەستەر! 1995 جىلى 30 تامىزدا بۇكىلحالىقتىق رەفەرەندۋمدا حالقىمىز قازاقستاندى زايىرلى، قۇقىقتىق جانە ۋنيتارلى مەملەكەت دەپ جاريالاعان نەگىزگى زاڭدى قابىلدادى. كونستيتۋسيا تاۋەلسىز قازاقستاننىڭ قالىپتاسۋىنىڭ العاشقى جىلدارىنداعى ساياسي، ەكونوميكالىق، الەۋمەتتىك-مادەني رەفورمالاردىڭ ناتيجەسى جانە سونىمەن قاتار جاڭا كونستيتۋسيالىق قاتىناستاردىڭ قالىپتاسۋىنا نەگىز بولدى. كونستيتۋسيانىڭ قابىلدانۋىمەن ەلىمىزدىڭ جاڭا ءداۋىرى باستالدى. حالىق بىرلىگى، قوعامدىق-رۋحاني كەلىسىم، ساياسي تۇراقتىلىق كونستيتۋسيالىق قۇرىلىستىڭ نەگىزگى ىرگەتاسى رەتىندە بۇگىنگى تاڭدا قوعامىمىزدىڭ ەرەكشە قۇندىلىعى سانالادى. ءاربىر پوليسيا قىزمەتكەرى قىلمىسپەن جانە باسقا دا قۇقىق بۇزۋشىلىقتارمەن كۇرەسۋ، ازاماتتاردىڭ مۇددەلەرىن زاڭسىز قول سۇعۋشىلىقتان قورعاۋ – قۇقىق قورعاۋ سالاسىنداعى باستى كونستيتۋسيالىق تالاپتاردىڭ ءبىرى – زاڭدىلىقتى قاتاڭ ساقتاۋعا نەگىزدەلگەنىن ەستە ساقتاۋى كەرەك. بۇل ءبىزدىڭ كاسىبي پارىزىمىز، ونى جوعارى جانە ساپالى ورىنداۋ – الماتى قالالىق پد بارشا قىزمەتكەرلەرىنىڭ ابىرويلى مىندەتى»، – دەدى ارىستانعاني زاپپاروۆ.