الماتىدا كوز جۇمعان ءورت ءسوندىرۋشى "ايبىن" وردەنىمەن ماراپاتتالدى

ارسلان قۇرمانبەكوۆ تاۋ بوكتەرىندەگى ءورتتى ءسوندىرۋ كەزىندە قازا تاپتى

پرەزيدەنت جارلىعىمەن الماتىنىڭ ىرگەسىندەگى توتەنشە وقيعا كەزىندە قازا تاپقان ءورت ءسوندىرۋشى ارسلان قۇرمانبەكوۆ ءىىى دارەجەلى «ايبىن» وردەنىمەن ماراپاتتالدى، دەپ حابارلايدى Almaty-akshamy.kz.

«مەملەكەت باسشىسىنىڭ جارلىعىمەن قىزمەتتىك بورىشىن اتقارۋدا كورسەتكەن باتىلدىعى مەن جانقيارلىعى ءۇشىن توتەنشە جاعدايلار مينيسترلىگىنىڭ الماتى قالاسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى №7 ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى ارسلان جولداسبەك ۇلى قۇرمانبەكوۆ ءىىى دارەجەلى «ايبىن» وردەنىمەن ناگرادتالدى (مارقۇم)»، - دەپ جازدى اقوردانىڭ رەسمي سايتى.

ارسلان جولداسبەك ۇلى قۇرمانبەكوۆ – ازاماتتىق قورعانىس سەرجانتى

1994 جىلى 23 تامىزدا الماتى وبلىسى تالعار اۋدانى تالعار قالاسىندا دۇنيەگە كەلگەن.

ەڭبەك جولىن الماتى قالاسى تجد «ءوسجاقجق» مم №9 مامانداندىرىلعان ءورت ءسوندىرۋ بولىمىندە ءورت ءسوندىرۋشى-قۇتقارۋشى رەتىندە باستاعان.

الماتى قالاسى تجد «ءوسجاقجق» مم №1 ءورت ءسوندىرۋ بولىمىندە ءورت ءسوندىرۋشى، اعا ءورت ءسوندىرۋشى-قۇتقارۋشى بولىپ قىزمەت اتقارعان.

توتەنشە جاعدايلار مينيسترلىگى الماتى قالاسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى №7 ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى لاۋازىمىنا 2019 جىلى تاعايىندالعان.

بيىل 8 مامىردا ارسلان قۇرمانبەكوۆ ىلە-الاتاۋ تابيعي پاركىنىڭ تاۋ بوكتەرىندەگى ءورتتى سوندىرگەن جەدەل توپتىڭ قۇرامىندا قىزمەتتىك بورىشىن اتقارا ءجۇرىپ، قايعىلى جاعدايدا قازا تاپتى.