الماتى پوليسەيلەرى كوشى-قوندى باقىلاۋدى كۇشەيتتى.
26-28 تامىز ارالىعىندا “قۇقىقتىق ءتارتىپ” اۋقىمدى ءىس-شاراسىنا بايلانىستى الماتى پوليسياسى كۇشەيتىلگەن قىزمەت تۇرىنە اۋىستىرىلدى، دەپ حابارلايدى aqshamnews.kz Polisia.kz-كە سىلتەمە جاساپ.
ءىس-شارانىڭ ءبىرىنشى كۇنىندە قر-نىڭ كوشى-قون زاڭناماسىن بۇزعانى ءۇشىن 117 شەتەلدىك اكىمشىلىك جاۋاپكەرشىلىككە تارتىلدى، ولاردىڭ كوپشىلىگى جەكە قۇرىلىستا جانە قۇرىلىس نىساندارىندا جۇمىس ىستەگەن. 22 شەتەل ازاماتى ەلدەن شىعارىلدى، تاعى 42 ادام رەيد قورىتىندىسى بويىنشا ءپد-نىڭ قابىلداپ-تاراتۋىنا ورنالاستىرىلدى.
– ولاردىڭ اراسىندا جەكە باسىن كۋالاندىراتىن قۇجاتتارى بولماعان نيگەريا ازاماتى دا بار، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
ءتارتىپ ساقشىلارى قالادا زاڭسىز تۇرىپ جاتقان شەتەل ازاماتتارىنىڭ شوعىرلانعان جەرلەرىن، اتاپ ايتقاندا قوناق ۇيلەردى، جالدامالى پاتەرلەردى، جاتاقحانالاردى، ستيحيالىق ەڭبەك بيرجالارى مەن قۇرىلىس نىساندارىن مۇقيات تەكسەرىپ جاتىر.