14-18 قازان ارالىعىندا “نەلەگال – 2024” رەسپۋبليكالىق جەدەل الدىن الۋ ءىس-شاراسى وتۋدە، – دەپ حابارلايدى aqshamnews.kz..
ماقسات – زاڭسىز كوشى-قون ارنالارىن، سونداي-اق زاڭسىز كوشى-قونعا قاتىستى باسقا دا زاڭسىز ارەكەتتەردى انىقتاۋ جانە جولىن كەسۋ.
– ءىس-شارانىڭ العاشقى كۇنى قالاداعى بىرنەشە قۇرىلىس نىساندارىندا ەڭبەك ميگرانتتارى انىقتالدى. بۇل الىس-جاقىن شەتەلدەردىڭ ازاماتتارى. بۇل ازاماتتار كوشى-قون زاڭناماسىن ورەسكەل بۇزا وتىرىپ، ەلدە بولعان. اتالعان ازاماتتار اكىمشىلىك جاۋاپكەرشىلىككە تارتىلدى جانە سوت شەشىمىمەن ولار ەلدەن شىعارىلاتىن بولادى. ءىس-شارا اياسىندا پوليسيا بولىمشەلەرى جەكە قۇرىلىس نىساندارىن، بازارلاردى، قوعامدىق تاماقتانۋ ورىندارىن، وقۋ ورىندارىن، سونداي-اق شەتەلدىك جۇمىس كۇشىن پايدالانۋ ىقتيمالدىعى جوعارى سالىنىپ جاتقان عيماراتتاردى تەكسەرەدى، – دەدى الماتى قالاسى پد كوشى-قون پوليسياسى باسقارماسى باستىعىنىڭ ورىنباسارى باۋىرجان وسپانوۆ.