كوممۋنالدىق كاسىپورىن قىزمەتكەرلەرى گولليۆۋد سۋپەر قاھارماندارىنىڭ كيىمىن كيىپ، قار كۇرەۋگە شىققان.
الماتى قالاسىنىڭ كوممۋنالدىق قىزمەتتەرى «باتىرلار ءبىزدىڭ ارامىزدا» اكسياسىن وتكىزدى، دەپ حابارلايدى Almaty-akshamy.kz.
الماتى قالاسى اكىمدىگىنەن حابارلاعانداي، كوممۋنالدىق كاسىپورىن قىزمەتكەرلەرى گولليۆۋد سۋپەر قاھارماندارىنىڭ كيىمىن كيىپ، قار كۇرەۋگە شىققان.
«بۇل يدەيانى قىزمەتكەرلەر ۇسىندى. ولار سول ارقىلى سۋپەر قاھارماندار تەك ەكراندا ەمەس، ارامىزدا دا بولاتىنىن كورسەتكىلەرى كەلدى. ولار - كۇندەلىكتى كوشە تازالاۋشى قاراپايىم ەڭبەك ادامدارى. ايتا كەتەيىك، ولاردىڭ ەڭبەگى باعالانبايدى»، - دەيدى قالالىق كوممۋنالدىق ينفراقۇرىلىمدى دامىتۋ باسقارماسىنداعىلار.
ايتا كەتەيىك، سۋپەرقاھارمان كيىمىندەگى قار كۇرەۋشىلەردى المالى، بوستاندىق، جەتىسۋ اۋداندارىنان كورۋگە بولدى.