الماتىدا كورشىسىنىڭ اقشاسىن ۇرلاعان كۇدىكتى ۇستالدى

ول 1985 جىلى تۋعان ب. ەسىمدى ازامات بولىپ شىقتى.

الماتىدا كورشىسىنەن ءىرى كولەمدە اقشا ۇرلاعان كۇدىكتى ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

جەرگىلىكتى تۇرعىن اۋەزوۆ اۋداندىق پوليسيا باسقارماسىنىڭ كەزەكشى بولىمىنە پاتەرىنەن 1 ميلليون تەڭگەنىڭ جوعالىپ كەتكەنىن ايتىپ ارىزدانعان. بۇل دەرەك ق ر قك-نىڭ 188-بابى (ۇرلىق) بويىنشا تىركەلدى. قاجەتتى جەدەل ىزدەستىرۋ ءىس-شارالارىن جۇرگىزىپ، كۋاگەرلەردەن جاۋاپ الىپ، ءتارتىپ ساقشىلارى ءۇيدى-ۇيدى اينالىپ ءوتىپ، وقيعا ورنىن مۇقيات قاراپ شىقتى.

«قابىلدانعان شارالاردىڭ ناتيجەسىندە كۇدىكتى انىقتالدى جانە ۇستالدى. ول 1985 جىلى تۋعان ب. ەسىمدى ازامات بولىپ شىقتى. تەرگەۋ بارىسىندا ۇستالعان ازامات جابىرلەنۋشىنىڭ تانىسى ەكەنى بەلگىلى بولدى. ولار كورشى پاتەرلەردە تۇردى: كورشىسى قابىرعانىڭ ارعى جاعىندا ساقتالعان ۇلكەن سومانى بىلگەندە، قىلمىستىق جوسپار قۇردى. قانداي دا ءبىر سىلتاۋمەن، وڭاي اقشا تابۋ ماقساتىندا قاسكوي قوناققا كەلىپ، قوجايىندارى بولمەدەن شىعىپ كەتكەن كەزدە ۇرلىق جاساعان. ال كەلەسى كۇنى ەر ادام ول جەردەن كوشىپ كەتكەن»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.

پوليسيا قىزمەتكەرلەرى ۇرلانعان قارجىنىڭ جارتىسىن ايعاق رەتىندە تاركىلەدى، قاسكوي قالعانىن جۇمساپ ۇلگەرگەن. تەرگەۋشىلەر كۇدىكتىنىڭ باسقا دا قىلمىستارعا قاتىسى بار-جوعىن مىندەتتى تۇردە تەكسەرەدى.