الماتىدا بىرنەشە موپەد ۇرلىعىنا قاتىسى بار جىگىتتەر ۇستالدى

مەدەۋ اۋدانىنىڭ پوليسيا قىزمەتكەرلەرى موپەدتەردى ۇرلاۋ دەرەكتەرىن اشتى.

الماتىدا بىرنەشە موپەد ۇرلىعىنا قاتىسى بار ءتورت جىگىت ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«ق ر قپك-نىڭ 128-بابىنا سايكەس، ق ر قك-نىڭ 188-بابى 3-بولىگىنىڭ 2-تارماعى (ۇرلىق) بويىنشا بىرنەشە رەت بوتەن بىرەۋدىڭ مۇلكىن جاسىرىن جىمقىرۋ بويىنشا قىلمىستىق قۇقىق بۇزۋشىلىقتى جاسادى دەگەن كۇدىككە ىلىككەن 19 جاستاعى چ. ەسىمدى، 18 جاستاعى س. ەسىمدى، 19 جاستاعى س. ەسىمدى، سونداي-اق كامەلەتكە تولماعان 17 جاستاعى م. ەسىمدى جىگىت ۇستالدى. ولار زاڭسىز بايۋ ماقساتىندا تۇنگى ۋاقىتتا تۇرعىن ۇيلەردىڭ اۋلاسىنان موپەدتەردى ۇرلاعان. اتالعان ادامدار ۇرلىق جاساعاندارىن مويىندادى. قازىرگى ۋاقىتتا ولاردىڭ جالپى الماتى قالاسى بويىنشا وسىعان ۇقساس، بۇرىن جاسالعان قىلمىستارعا قاتىسى بار-جوعى تەكسەرىلۋدە. وسى ادامداردىڭ قىلمىستىق ارەكەتتەرىنەن زارداپ شەككەن ازاماتتار مەدەۋ اۋداندىق پب-عا نەمەسە مىنا تەلەفوندار ارقىلى حابارلاسۋلارىن سۇرايمىز: 8 (727) 254-48-02، 254-48-10، 8-702-476-66-60»، – دەدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.