30 ماۋسىمدا كۆي-دىڭ 305 جاعدايى تىركەلدى. قالانىڭ سانەپيدەميولوگيالىق قىزمەتى ساق جۇرۋگە، ادامدار كوپ جينالاتىن جەرلەردەن اۋلاق بولۋعا جانە ۆاكسينا الۋعا شاقىرادى.
الماتىدا، 1 شىلدەدەگى جاعداي بويىنشا، كوروناۆيرۋس ينفەكسياسىنىڭ 74 306 جاعدايى تىركەلدى، ونىڭ 57 841ء-ى سيمپتومدى جانە 16 465ء-ى سيمپتومسىز، انىقتالماعان پنيەۆمونيا - 1 993.
30 ماۋسىمدا كوروناۆيرۋس ينفەكسياسىنىڭ 305 جاعدايى تىركەلدى، ونىڭ 282ء-سى سيمپتومدى، 23ء-ى سيمپتومسىز. تاۋلىكتىك ءوسىم 0،4%-دى قۇرايدى. رەپرودۋكتيۆتى سانى - 1،287. 29 ماۋسىمداعى جاعداي بويىنشا زەرتتەلگەن سىنامالارداعى ءۇندى شتاممىنىڭ ۇلەس سالماعى - 78،3%.
ينفەكسيالىق ستاسيونارلاردا 703 ادام جاتىر، ونىڭ 53ء-ى بالالار. جالپى ناۋقاستاردىڭ ىشىندەگى 16 پاسيەنتتىڭ جاعدايى وتە اۋىر، 153ء-ى اۋىر، 534 - ورتاشا اۋىرلىق دارەجەدە. رەانيماسيا جانە ينتەنسيۆتى تەراپيا بولىمدەرىندە 54 ناۋقاس جاتىر. ءوجج اپپاراتىندا جاتقان ناۋقاستار - 11، ءينۆازيۆتى ەمەس ءوجج اپپاراتىندا - 23، High flow اپپاراتىندا - 18.
بۇگىندە امسك مەن تەلەمەديسينا ورتالىعىنىڭ ءموبيلدى توپتارى ۇيدەگى 1507 ناۋقاستى باقىلاۋدا، ولاردىڭ 213ء-ى سيمپتومسىز، 1271ء-ى جەڭىل، 23ء-ى ورتاشا اۋىرلىق دارەجەدە. 205 پاسيەنت جۇقپالى اۋرۋلار ستاسيونارلارىنان شىعارىلدى، ءقازىر ولار وقشاۋلانۋدا جانە باقىلاۋدا.
بۇگىندە كۆي-دىڭ 1295 بەلسەندى وشاعى بار. ولاردىڭ باسىم كوپشىلىگى اۋەزوۆ اۋدانىندا، مۇنداعى 5255 وشاقتىڭ 252ء-سى بەلسەندى. المالى اۋدانىنداعى 5887 وشاقتىڭ 238ء-ى بەلسەندى. الاتاۋدا - 4047 وشاقتىڭ ىشىنەن – 191 بەلسەندى، بوستاندىقتا 5444 وشاقتىڭ - 153 بەلسەندى. مەدەۋدە 4919 وشاقتىڭ - 144 بەلسەندى. دەرت تىركەلگەن ورىندار - ۇيلەر، پاتەرلەر، كەڭسەلەر جانە ت.ب. بەلسەندى وشاقتار بولىپ سانالادى. ولار 14 كۇن بويى باقىلاۋعا الىنادى.
سوڭعى 7 كۇندە كۆي-دى 20-39 جاس ارالىعىنداعى 394 ادام (37،6%) جۇقتىرعان، 40-59 جاس ارالىعىنداعىلاردا 243 جاعداي (23،2%)، 60 جاس جانە ودان جوعارىداعىلاردا 211 جاعداي (20،1%)، 14 جاسقا دەيىن - 131 جاعداي (14،6%)، 15-19 جاستا - 46 (4،4%) جانە 1 جاسقا دەيىن - 22 جاعداي (2،1%). وسىلايشا، دارىگەرلەر مەن سانيتارلىق دارىگەرلەر قوعامنىڭ ەڭ بەلسەندى ساناتىنىڭ ينفەكسيانى تەز جۇقتىراتىنىن ايتتى.
سوڭعى اپتاداعى مالىمەتتەر بويىنشا، ينفەكسيا قوعامدىق ورىنداردا (54،2%)، ياعني كافەلەر، مەيرامحانالار، تۇنگى كلۋبتار جانە باسقا دا جاپپاي جينالۋ ورىندارىندا تەز تارالۋدا. كۆي دەرتىنە شالدىققانمەن بايلانىستا بولعاندار دا بار، ينفەكسيانىڭ 24،4%-ى وتباسىندا جۇققان.
سوندىقتان الماتىداعى كۆي-دىڭ تارالۋىنىڭ الدىن الۋ جونىندەگى قالالىق شتاب ەپيدەميولوگيالىق جاعدايدىڭ ۋشىققانىن ەسكەرە وتىرىپ، الماتىلىقتار مەن قالا قوناقتارىن مەرەكەلىك دەمالىس كۇندەرى قارساڭىندا قوعامدىق ورىندارعا بارۋدان باس تارتۋعا شاقىرادى. سونىمەن قاتار، سانيتارلىق قاۋىپسىزدىك شارالارىن، ونىڭ ىشىندە بەتپەردە تاعۋ، الەۋمەتتىك قاشىقتىقتى ساقتاۋ قاجەت. جالپى، ينفەككسيادان قورعاۋدىڭ جالعىز سەنىمدى ءارى ءتيىمدى جولى – ۆاكسينا سالدىرۋ.
بۇگىندە الماتىدا 461 545 ادامعا ۆاكسينا ەگىلدى. وتكەن تاۋلىكتە 10340 ادامعا ەكپە سالدىردى. ۆاكسينالانعانداردىڭ اراسىندا 60 جاستان اسقانداردىڭ سانى 78257 ادامدى قۇرايدى.
قالادا مەديسينالىق ۇيىمداردا، مەكتەپتەردە، مادەني-سپورتتىق مەكەمەلەردە، بازارلاردا جانە سوسو- دا 208 ەكپە پۋنكتى بار. 1256 ادامنان تۇراتىن 307 بريگادا ۆاكسينا سالۋعا جۇمىلدىرىلعان.
الماتىدا 28 پتر زەرتحاناسى بار، ولاردىڭ جالپى قۋاتتىلىعى تاۋلىگىنە 15 770 سىناما جاساۋ. بولاشاقتا ولاردىڭ قۋاتتىلىعى تاۋلىگىنە 27 242 سىناماعا ارتاتىن بولادى. بۇدان وزگە، تاۋلىگىنە 3248 سىناما جاسايتىن وتكىزۋگە قابىلەتتى يفس زەرتحاناسى بار.