الماتىدا كورىپكەل الاياق ۇستالدى

“كۇيەۋىڭدى قايتارۋعا كومەكتەسەمىن، جولىڭدى اشامىن”:

الماتىدا “كۇيەۋىڭدى قايتارۋعا كومەكتەسەمىن، جولىڭدى اشامىن” دەپ تۇرعىنداردى الداعان كورىپكەل الاياق ۇستالدى، دەپ حابارلايدى almaty-akshamy.kz Polisia.kz. سىلتەمە جاساپ.

جابىرلەنۋشىلەردىڭ سانى كۇن سايىن ارتىپ كەلەدى. الدانعان ازاماتتار الاياقتىق تۋرالى ارىزبەن پوليسياعا جۇگىنۋدە. ءتارتىپ ساقشىلارىنىڭ ايتۋىنشا، 25 جاستاعى ج. ەسىمدى ايەل الەۋمەتتىك جەلىلەردە ساۋەگەيلىك، جولدى اشۋ تۋرالى حابارلاندىرۋلار ورنالاستىردى.

– كليەنتتەر وعان ماسەلەلەرىن دە، اقشالارىن دا سەنىپ تاپسىرعان. ءبىر ادامنان بىرنەشە سەانستا جاسالعان “قۇرباندىق شالۋ” ءراسىمى ءۇشىن “كورىپكەل” 100 مىڭ تەڭگەگە دەيىن سىياقى العان. سەنگىش ادامداردىڭ اقشا تولەپ، كۇتە تۇرۋدان باسقا امالى قالمادى. ءبىراق جەكە ومىرلەرىندە جاقسىلىق بولعان جوق. جەدەل ىزدەستىرۋ ءىس-شارالارى بارىسىندا كۇدىكتى ۇستالدى. ءقازىر الاياقتىقتىڭ 5 فاكتىسى دالەلدەندى. قىلمىستىق ءىس ق ر قك-نىڭ 190-بابى 3ء-بولىمى 4-تارماعى بويىنشا تەرگەلۋدە، – دەپ حابارلادى الاتاۋ اۋداندىق پب جانىنداعى پوليسيا ءبولىمىنىڭ باستىعى قۇماربەك كەنشىنبايەۆ.

پوليسيا بۇل ادامنىڭ قىلمىستىق ارەكەتتەرىنەن زارداپ شەككەن ازاماتتاردى

مىنا تەلەفون نومىرلەرى ارقىلى حابارلاسۋعا شاقىرادى: 393-40-73؛ 8-775-000-21-81.