بىرنەشە جىل بۇرىن الماتى بيلىگى كوپدەڭگەيلى اۆتوتۇراق جوباسىن تانىستىرعان بولاتىن.
"الماتى پاركينگ" وكىلدەرىنىڭ ايتۋىنشا، جوبا جابىلعان جوق، دەپ حابارلايدى aqshamnews.kz
"قالا اكىمىنىڭ تاپسىرماسى بويىنشا، الماتىنىڭ قۇرىلىس باسقارماسى 2023 جىلدان باستاپ العاشقى كوممۋنالدىق كاپيتالدى اۆتوتۇراق قۇرىلىسىن اياقتاۋعا ارنالعان جوبالاۋ-سمەتالىق قۇجاتتامانى ازىرلەپ جاتىر. نىسان "كوكتەم-3" شاعىناۋدانىندا ورنالاسادى"، – دەپ حابارلادى كومپانيا.
جوسپار بويىنشا اۆتوتۇراق 207 اۆتوكولىككە ارنالعان ورىنداردى قامتيدى جانە قالاداعى ەلەكتروموبيلدەرگە ارنالعان زاريادتاۋ ستانسيالارىمەن جابدىقتالعان العاشقى تۇراق نىسانى بولماق. الايدا، وكىلدەردىڭ ايتۋىنشا، نەگىزگى ماسەلەلەردىڭ ءبىرى – رەزەرۆتىك ەلەكترمەن جابدىقتاۋ قۋاتىنىڭ جەتكىلىكسىزدىگى.
"بۇل ماسەلەنى شەشۋ ءۇشىن 2024 جىلدىڭ قازانىندا ديزەلدى گەنەراتورلىق قوندىرعى (دگق) ورناتۋ تۋرالى شەشىم قابىلداندى. ءقازىر دگق ورنالاساتىن ۋچاسكەنىڭ اكتىسىن الۋ ءۇشىن جەرگە ورنالاستىرۋ جوباسى ازىرلەنىپ جاتىر. سونىمەن قاتار، سىرتقى ەلەكتر جەلىلەرىن قوسۋعا ارنالعان ينجەنەرلىك ءدالىزدى قالا جوسپارلاۋ جانە ۋربانيستيكا باسقارماسىمەن كەلىسۋ قاجەت"، – دەپ مالىمدەدى "الماتى پاركينگ".