الماتى قالاسى اكىمىنىڭ ورىنباسارى بەيبىت شاحانوۆ بوستاندىق اۋدانىنداعى سالىنىپ جاتقان تۇرعىن ءۇي كەشەندەرىن ارالاپ كوردى.
ول قۇرىلىس كومپانيالارىنىڭ باسشىلىعىنا بەكىتىلگەن ەسكيزدىك جوبالارعا قاتاڭ سايكەس جۇمىس جۇرگىزۋدىڭ ماڭىزىن اتاپ ءوتتى.
«تۇرعىن ءۇي كەشەندەرىنىڭ قۇرىلىسى بەكىتىلگەن جوبالارعا ساي بولۋى ءتيىس. سىزدەر تۇرعىندارعا نە ۋادە بەردىڭىزدەر، سونى ورىنداۋلارىڭىز قاجەت. ايتپەسە، ۇيلەر پايدالانۋعا بەرىلمەيدى»، – دەدى بەيبىت شاحانوۆ.
سونىمەن قاتار، اكىم ورىنباسارى بارلىق ينجەنەرلىك جەلىلەر تەحنيكالىق شارتتارعا ساي كەلىپ، تەك كوممۋنالدىق قىزمەتتەردىڭ بالانسىنا تاپسىرىلۋى قاجەت ەكەنىن ايتتى.
«كەيىنگى كەزدە قۇرىلىس سالۋشىلار ينجەنەرلىك جەلىلەردى باسقارۋشى كومپانيالارعا وتكىزىپ، كەيىن ولاردان باس تارتاتىن جاعدايلار جيىلەپ كەتتى. مۇنىڭ سالدارى – تۇرعىندار ءۇشىن قوسىمشا شىعىن، ال قالالىق قىزمەتتەر بۇل ماسەلەلەردى ءوز كۇشىمەن شەشۋگە ءماجبۇر. مۇندايعا جول بەرىلمەيدى، زاڭ بۇزعان كومپانيالارعا قاتاڭ شارالار قولدانىلادى»، – دەدى ول.
ارالاۋ قورىتىندىسى بويىنشا ءتيىستى باسقارمالارعا وسى باعىتتار بويىنشا باقىلاۋدى كۇشەيتۋ، سونداي-اق تۇرعىن ءۇي كەشەندەرىن پايدالانۋعا بەرۋ الدىندا اباتتاندىرۋدىڭ، كوگالداندىرۋدىڭ جانە عيماراتتاردى جارىقتاندىرۋدىڭ ساپاسىن تەكسەرۋ تاپسىرىلدى.