الماتىدا Nestlé تاۋار بەلگىلەرىنە قۇقىقتاردى بۇزا وتىرىپ ساتىلعان كونترافاكتىلىك ءونىم انىقتالىپ تاركىلەندى، دەپ حابارلايدى aqshamnews.kz الماتى قالاسىنىڭ ادىلەت دەپارتامەنتىنە سىلتەمە جاساپ.
زياتكەرلىك مەنشىك قۇقىقتارىن قورعاۋ جانە تىركەلگەن تاۋار بەلگىلەرىن زاڭسىز پايدالانۋعا جول بەرمەۋ ماقساتىندا الماتى قالاسى ادىلەت دەپارتامەنتىنىڭ زياتكەرلىك مەنشىك قۇقىقتارى بولىمىمەن كاسىپكەرلىك سۋبەكتىسى «ا»-عا قاتىستى جوسپاردان تىس تەكسەرۋ جۇرگىزىلدى.
تەكسەرۋدى جۇرگىزۋگە نەگىز بولعان — حالىقارالىق تانىمال Nestlé تاۋار بەلگىلەرىنىڭ قۇقىق يەسى بولىپ تابىلاتىن Societe des Produits Nestlé S.A. كومپانياسىنىڭ رەسمي ءوتىنىشى.
تەكسەرۋ ناتيجەسىندە تۇتىنۋشىلاردى ءونىمنىڭ شىعۋ تەگى تۋرالى جاڭىلىستىراتىن، ءتۇپنۇسقا تاۋار بەلگىلەرىنە ۇقساس دارەجەگە دەيىن ۆيزۋالدى تۇردە ۇقساس جالعان بەلگىلەردى پايدالانۋ فاكتىلەرى انىقتالدى.
ءىس-شارالار بارىسىندا ۋاكىلەتتى قىزمەتكەرلەرمەن 29 000-نان استام جالعان بەلگىلەرمەن تاڭبالانعان شوكولاد باتونچيكتەرى تاركىلەندى. كورسەتىلگەن ءونىم قۇقىق يەسىنىڭ ايرىقشا قۇقىقتارىن بۇزا وتىرىپ ساتىلعان جانە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 158-بابىندا كوزدەلگەن اكىمشىلىك قۇقىق بۇزۋشىلىق بەلگىلەرىن قامتيدى.
ءىس ماتەريالدارى پروسەسسۋالدىق شەشىم قابىلداۋ ءۇشىن سوتقا جولداناتىن بولادى.
الماتى قالاسىنىڭ ادىلەت دەپارتامەنتى كونترافاكتىلىك ءونىم اينالىمىنىڭ جولىن كەسۋ، قۇقىق يەلەرىنىڭ زاڭدى مۇددەلەرىن قورعاۋ جانە زياتكەرلىك مەنشىك سالاسىندا قۇقىقتىق ءتارتىپتى نىعايتۋ بويىنشا جۇيەلى جۇمىسىن جالعاستىرۋدا.