كورمە بارلىق تۇركى حالىقتارىنا ولاردىڭ ورتاق مۇرالارى بار ەكەنىن ەسكە سالادى
الماتىداعى مەملەكەتتىك ورتالىق مۋزەيى مەن اقش-تىڭ قازاقستانداعى ەلشىلىگى جانە حالىقارالىق قازاق عىلىمي-زەرتتەۋ مادەنيەت ينستيتۋتى (حقعزمي) بىرىگىپ ۇيىمداستىرعان اقش ەلشىسىنىڭ مادەني مۇرانى ساقتاۋ جونىندەگى قورى (AFCP) قارجىلاندىراتىن "VI-XIV عاسىرلارداعى كونە تۇركى جانە كونە ۇيعىر ءداۋىرىنىڭ جازباشا وركەنيەتى" كورمەسىن اشتى، دەپ حابارلايدى Almaty-akshamy.kz.
اقش-تىڭ قازاقستانداعى ميسسياسى وسى جوبا ارقىلى ەسكى الەمنىڭ ەڭ كونە جازباشا وركەنيەتتەرىنىڭ ءبىرى - ەجەلگى تۇركى رۋنالارىن تاۋىپ، وسى ايماقتاعى تۇركى حالىقتارىنىڭ باي مادەني مۇراسىن زەرتتەۋ. اقش ەلشىسىنىڭ مادەني مۇرانى ساقتاۋ قورى – بۇكىل الەم بويىنشا مادەنيەت پەن مۇرانى ساقتاۋعا قولداۋ كورسەتەتىن جاھاندىق باعدارلاما بولىپ تابىلادى.
كورمەنىڭ رەسمي اشىلۋىندا ق ر ورتالىق مۋزەي ديرەكتورىنىڭ ورىنباسارى عاليا تەمىرتون، اقش-تىڭ الماتى قالاسىنداعى باس كونسۋلى كەرولاين سيەۆيدج، جوبا كەڭەسشىسى، تاريح عىلىمدارىنىڭ كانديداتى، دوسەنت، ارحەولوگ الەكسەي روگوجينسكيي، «وستروۆ كرىم» عىلىمي-رەستاۆراسيالىق زەرتحاناسىنىڭ نەگىزىن قالاۋشى، تۇركى جازۋىنىڭ ەسكەرتكىشتەرىن قالپىنا كەلتىرگەن بەلگىلى عالىم، رەستاۆراتور قىرىم التىنبەكوۆ زەرتتەۋ توبىنىڭ مۇشەسى، ۇيعىرتانۋشى، پروفەسسور، تاريح عىلىمدارىنىڭ دوكتورى ابلەت كايۋموۆيچ ءسوز سويلەدى.
كورمە اياسىندا بەلگىلى رەجيسسەر جانە سەناريست الەكسەي ۆلاديميروۆيچ كامەنسكييدىڭ "تاعدىر جازۋلارى" (2023 ج.) دەرەكتى ءفيلمىنىڭ تانىستىرىلىمى مۋزەي كينوزالىندا ءوتتى.
جوبانىڭ زەرتتەۋ توبىنىڭ مۇشەلەرى بەلگىلى تۇركىتانۋشىلار مەن ۇيعىرتانۋشىلار – تاريح عىلىمدارىنىڭ دوكتورى، پروفەسسور ءناپىل بازىلحان، ف.ع.د، پروفەسسور الەكساندر نيكولايەۆيچ گاركاۆەس، ت.ع.د.، پروفەسسور ابلەت كايۋم ۇلى كامالوۆ، ف.ع.ك، قاۋىمداستىرىلعان پروفەسسور رۋسلان ۇيعۇر ۇلى ارزييەۆ جانە ت.ب.
ۇيىمداستىرۋشىلار بۇل كورمە ەجەلگى تۇركىلەردىڭ اتا-بابالارىنىڭ بىرەگەي جازباشا وركەنيەتى تۋرالى جالپى جۇرتشىلىقتىڭ تۇسىنىگىن تەرەڭدەتىپ، بارلىق تۇركى حالىقتارىنا ولاردىڭ ورتاق مۇرالارى بار ەكەنىن ەسكە سالادى دەپ ۇمىتتەنەدى.
