2023 جىلعى 10 ناۋرىزدا ساعات 10:00-دەن باستاپ قالانىڭ جالپى ءبىلىم بەرەتىن مەكتەپتەرىندە ۇلتتىق سپورت تۇرلەرى بويىنشا اۋداندىق ويىندار وتەدى.
سونداي-اق 11 ناۋرىزدا ساعات 12:00-دە الماتى قالاسىنىڭ جاڭادان قۇرىلعان مەكتەپ ليگالارى شەڭبەرىندە باسكەتبولدان ىرىكتەۋ ويىنى جوسپارلانۋدا، دەپ حابارلايدى Almaty-akshamy.kz.
الماتى قالاسىنىڭ اكىمى ە. دوسايەۆتىڭ تاپسىرماسى بويىنشا 2023 جىلدىڭ قاڭتار ايىندا سپورت باسقارماسى بۇقارالىق سپورتتى دامىتۋ جانە جاستار اراسىندا سالاۋاتتى ءومىر سالتىن ناسيحاتتاۋ ماقساتىندا كوماندالىق سپورت تۇرلەرى: شاعىن فۋتبول، باسكەتبول جانە ۆولەيبول، سونداي-اق ۇلتتىق سپورت تۇرلەرى: اسىق اتۋ، بەس اسىق، ارقان تارتۋ، بۇقا تارتۋ جانە قازاق كۇرەسى بويىنشا مەكتەپ ليگالارىن قۇردى.
اعىمداعى جىلدىڭ 1 ناۋرىزىندا وقۋشىلار اراسىندا ۇلتتىق سپورت تۇرلەرى بويىنشا ناۋرىز مەرەكەسىنە ورايلاستىرىلعان فەستيۆال باستالدى. فەستيۆال باعدارلاماسىنا سپورتتىڭ 6 ءتۇرى (توعىز قۇمالاق، اسىق اتۋ، بەس اسىق، ارقان تارتۋ، بۇقا تارتۋ، قازاقشا كۇرەس) بويىنشا جارىستار كىرەدى. سپورتتىق ءىس-شاراعا 214 مەكتەپتەن 7 600-دەن استام وقۋشى تارتىلدى. قازىرگى ۋاقىتتا اۋداندىق دەڭگەيدەگى ويىندار وتۋدە. فينالدىق كەزەڭ 2023 جىلدىڭ 21 ناۋرىزىندا "استانا" الاڭىندا وتەدى.