الماتى تەلەكوممۋنيكاسيالار جانە ماشينا جاساۋ كوللەدجىندە قالالىق ءبىلىم باسقارماسىنىڭ قولداۋىمەن «كوللەدج تۇلەكتەرىنىڭ ەڭبەك نارىعىنداعى سۇرانىسى» تاقىرىبىندا دوڭگەلەك ۇستەل وتىرىسى ءوتتى.
ءىس-شارانىڭ نەگىزگى ماقساتى – زاماناۋي ەڭبەك نارىعى تالاپتارىنا ساي باسەكەگە قابىلەتتى جاس مامانداردى دايارلاۋعا ىقپال ەتەتىن نەگىزگى فاكتورلاردى انىقتاۋ جانە كوللەدج تۇلەكتەرىنىڭ جۇمىسقا ورنالاسۋ بارىسىندا كەزدەسەتىن وزەكتى ماسەلەلەردى تالقىلاۋ بولدى.
دوڭگەلەك ۇستەل اياسىندا قاتىسۋشىلار كەلەسى ءتورت مودۋل بويىنشا پىكىر الماسىپ، تاجىريبە ءبولىستى:
-
PROFY MARATHON – 2025؛
-
ديپلومنان جۇمىسقا دەيىن: العاشقى قادامدار؛
-
پروبلەمالار مەن شەشىم جولدارى؛
-
بولاشاق جوسپارلار جانە ءوسۋ جولدارى.
كوللەدج ديرەكتورىنىڭ وقۋ ءىسى جونىندەگى ورىنباسارى ا.ماكەيەۆا تۇلەكتەردىڭ ەڭبەك جولىنداعى جەتىستىكتەرىن اتاپ ءوتىپ، كوللەدجدە بەرىلگەن تەوريالىق ءبىلىم مەن الەۋمەتتىك سەرىكتەستەردىڭ ۇسىنعان تاجىريبەلىك داعدىلارىنىڭ ماڭىزدىلىعىن ەرەكشە اتاپ ءوتتى:
«كۇنى كەشە عانا كوللەدج قابىرعاسىنان تۇلەپ ۇشقان تۇلەكتەرىمىز بۇگىندە الماتىنىڭ جەتەكشى كومپانيالارىندا تابىستى ەڭبەك ەتىپ ءجۇر. ولاردىڭ دوڭگەلەك ۇستەل بارىسىندا بىلدىرگەن پىكىرلەرىنەن كوللەدجدە العان ءبىلىم مەن تاجىريبەنىڭ كاسىبي مانساپتى باستاۋعا بەرىك نەگىز بولعانىن بايقادىق. بۇل – ءبىز ءۇشىن ۇلكەن ماقتانىش»، – دەدى ول.