الماتىدا گاز قۇبىرى جارىلىپ، سالدارىنان كولىك اۋدارىلىپ، بىرنەشە ادام زارداپ شەكتى، - دەپ حابارلايدى Aqshamnews.kz ءتىلشىسى.
كۋاگەرلەردىڭ ايتۋىنشا، وقيعا بۇقار جىراۋ بۋلۆارىنىڭ بويىندا بولعان. جارىلىستان كەيىن كولىك اۋدارىلىپ، جول جابىندىسى بۇلىنگەن. اينالا قورشالدى. كولىك جۇرگىزۋشىسى مەن جولاۋشىسى اۋرۋحاناعا جەتكىزىلدى.
QazaqGaz Aimaq اكسيونەرلىك قوعامىنىڭ مالىمەتىنشە، 16 شىلدەدە ورتا قىسىمدى جاڭادان سالىنعان جەراستى گاز قۇبىرىنا سىناق جۇرگىزۋ كەزىندە، "سانتەحكومپلەكتگرۋپپ" ج ش س مەردىگەر ۇيىمىنىڭ جۇمىستارى بارىسىندا اۋا قوسپاسى سىرتقا شىعىپ كەتكەن. ناتيجەسىندە جول جابىندىسى، اعاش جانە كولىك زاقىمدانعان.
"وقيعا ورنىنا قالانىڭ بارلىق ءتيىستى اپاتتىق قىزمەت جەدەل جەتتى. ءقازىر ۋچاسكە تەكسەرىلىپ، وقيعانىڭ سەبەپتەرى انىقتالىپ جاتىر. اۋماعى قورشاۋعا الىندى، تۇرعىندارعا ءقاۋىپ جوق. قازا تاپقاندار جوق"، – دەلىنگەن رەسمي حابارلامادا.