الماتىنىڭ بوستاندىق اۋدانىندا ورنالاسقان اۆتوتۇراقتان 17 مىڭ دوللار ۇرلانعان.
قاسكويلەر Lexus كولىگىنىڭ يەسى جوقتىعىن پايدالانىپ، ەسىك قۇلپىن سكانەر ارقىلى اشىپ، سول جەردەن اقشا سالىنعان سومكەنى ۇرلاپ كەتكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇل قىلمىستى اشۋ ماقساتىندا جەدەل-تەرگەۋ توبى قۇرىلىپ، ارنايى ءىس-شارالار كەشەنى جۇرگىزىلدى. ناتيجەسىندە كۇدىكتىلەر ۇستالىپ، قاماۋعا الىندى. ولار – الماتى وبلىسىنىڭ ءارتۇرلى اۋىلىنىڭ تۇرعىندارى. كۇدىكتىلەردىڭ تۇرعىلىقتى جەرلەرىندە ءتىنتۋ جۇرگىزىلىپ، قىلمىستىق ءىس ماتەريالدارىنا زاتتاي ايعاقتار قوسىلدى. سونىمەن قاتار قىلمىس بولعان جەرمەن شەكتەسەتىن اۋماقتاردىڭ بەينەباقىلاۋ جۇيەلەرىنە جان-جاقتى تالداۋ جۇرگىزىلدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارىنىڭ مىندەتىن اتقارۋشى قۋاتبەك ناۋاتوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.