جول بويىندا كولىكپەن توقتاعان كەزدە، كىلتتى ىشتە قالدىرماعان ءجون!
كۇنى كەشە الماتىدا كولىك يەسىنىڭ دۇكەنگە كىرىپ كەتىپ، كىلتتەرىن ماشينا ىشىندە قالدىرعان ءساتىن پايداسىنا اسىرعان ۇرى ۇستالدى، دەپ حابارلايدى almaty-akshamy.kz.
ۇرلانعان Toyota Camry كولىگىنىڭ ۇرلانعانى تۋرالى حابار جەتكەن سوڭ، قالا بويىنشا “ۇستاۋ” جوسپارى ەنگىزىلدى.
– اۆتوكولىك يەسىنىڭ دۇكەنگە كىرىپ كەتىپ، كىلتتەردى وتالعىشقا تاستاپ كەتكەندىگى بەلگىلى بولدى. “بۋران – 315” پاترۋلدىك ەكيپاجى ءسۇيىنباي داڭعىلى مەن باياناۋىل كوشەسىنىڭ قيىلىسىندا ىزدەپ جۇرگەن كولىكتى بايقاپ قالعان. كولىك ۇرىسى ۇستالدى. قىلمىستىڭ سەبەبى مەن وزگە دە ءمان-جايلارى انىقتالىپ جاتىر، – دەيدى تۇركسىب اۋداندىق پوليسيا باسقارماسىنىڭ باستىعى ەركىن امانتايەۆ.
قازاقستان ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.