الماتىدا كولىك ۇرىلارى ۇستالدى

الماتىلىق ازاماتتىڭ جول تالعامايتىن كولىگىن ۇرلاپ كەتكەن كۇدىكتىلەر قولعا ءتۇستى.

ءۇش ەر ادام قىمبات كولىك ۇرلادى دەگەن كۇدىكپەن ۇستالدى، دەپ حابارلايدى Almaty-akshamy.kz

Polisia.kz دەرەگىنشە، Toyota Land Cruiser كولىگىن ۇرلاۋ دەرەگى تاڭەرتەڭ تىركەلگەن. 

«قالاداعى بەينەباقىلاۋ جۇيەلەرىنىڭ كومەگىمەن كولىكتىڭ باتىس باعىتتا قالادان شىعىپ، جامبىل وبلىسىنا جەتكەنى بەلگىلى بولدى. كۇدىكتىلەردى ۇستاۋ ءىس-شاراسىن پوليسيانىڭ ارنايى جاساقتارىنىڭ كومەگىمەن ءبىزدىڭ بولىمشەنىڭ جەدەل قىزمەتكەرلەرى جۇرگىزدى. 27 جانە 24 جاستاعى كۇدىكتىلەر ۋاقىتشا ۇستاۋ يزولياتورىنا قامالدى. ۇرلانعان كولىك تاركىلەنىپ، ق ر قك-نىڭ 188-بابى 4-بولىگىمەن تىركەلگەن قىلمىستىق ءىس ماتەريالدارىنا تىركەلدى»، – دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.

ءقازىر پوليسەيلەر ۇستالعانداردىڭ وسىعان ۇقساس باسقا دا قىلمىستارعا قاتىسى بار-جوعىن تەكسەرىپ جاتىر. ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايتىنىن حابارلادى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.