قاسكويلەر ءۋاليحانوۆ كوشەسىنىڭ بويىندا Toyota كولىگىن ۇرلاپ كەتكەن.
كولىك ۇرلاعانداردى ۇستاۋ ءىس-شاراسىن قالانىڭ كريمينالدىق پوليسياسى مەدەۋ اۋداندىق پوليسيا باسقارماسى جەدەل ۋاكىلدەرىنىڭ بەلسەندى كومەگىمەن جۇرگىزدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جەدەل ىزدەستىرۋ شارالارى بارىسىندا كۇدىكتىلەر ۇستالدى. 36 جاستاعى و.ەسىمدى كولىك ۇرىسى كولىكتەردى اشىپ، رولگە وتىرعان. 26 جاستاعى س. ەسىمدى ازامات جانە 39 جاستاعى ا. ەسىمدى ازامات – سىبايلاستار. تەرگەۋ شارالارى بارىسىندا كۇدىكتىلەردىڭ ۇرلاپ كەتكەن كولىكتى جاركەنت قالاسىندا ساتىپ جىبەرگەندىگى انىقتالدى. ساتىپ الۋشىنى كولىكتىڭ قۇجاتتارىنىڭ جوقتىعى تاڭقالدىرماعان. ءبىراق كەيىنىرەك كولىك تابىلىپ، تاركىلەندى جانە زاتتاي ايعاق رەتىندە ق ر قك-نىڭ 188-بابى 3-بولىگى بويىنشا قىلمىستىق ءىس ماتەريالدارىنا تىركەلدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ايتپاقشى، نەگىزگى كۇدىكتى مۇلىكتىك قىلمىستار – ۇرلىق جانە توناۋ جاساعانى ءۇشىن ءۇش رەت سوتتالعان، ال سىبايلاستارىنىڭ ءبىرى ق ر قك-نىڭ 96-بابى 1-بولىگى بويىنشا جازاسىن وتەگەن. ءقازىر پوليسيا قىزمەتكەرلەرى ۇستالعان ادامداردىڭ جەكە باسىن بۇرىن جاسالعان وسىعان ۇقساس قىلمىستارعا قاتىسى بار-جوعىنا تەكسەرىپ جاتىر. كۇدىكتىلەر قاماۋدا وتىر.
