اۋەزوۆ اۋدانىنىڭ پوليسيا قىزمەتكەرلەرى كولىك سالونىنان ۇرلىق جاسادى دەگەن كۇدىكپەن 44 جاستاعى ا.ەسىمدى ازاماتتى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جەدەل ءىس-شارالاردى جۇرگىزۋ بارىسىندا كۇدىكتىنىڭ “قۇربانىن” الىستان تاڭداعانىن انىقتادىق. ول ونىڭ كەتۋىن كۇتىپ، ءپۋلتتىڭ دابىلىن سكانەرلەۋ ارقىلى كولىكتى اشىپ، ۇرلىق جاساعان. سودان كەيىن وقيعا ورنىنان “ءىزىن سۋىتقان”. ءبىز قاسكويدىڭ ىزىنە ءتۇسىپ، ونى ۇستادىق. قازىرگى ۋاقىتتا كۇدىكتى بىرنەشە ۇرلىق جاساعانىن مويىندادى. ول ۋاقىتشا ۇستاۋ يزولياتورىنا قامالدى. اتالعان دەرەك بويىنشا ق ر قك-نىڭ 188-بابىنا سايكەس سوتقا دەيىنگى تەرگەۋ امالدارى جۇرگىزىلۋدە. ۇستالعان ازاماتتىڭ بۇرىن جاسالعان وسىعان ۇقساس قىلمىستارعا قاتىسى بار-جوعى انىقتالىپ جاتىر، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.