الماتى-1 ستانسياسىنداعى جەلىلىك پوليسيا باسقارماسى ەسىرتكى بيزنەسىنە قارسى ءىس-قيمىل ءبولىمىنىڭ قىزمەتكەرلەرى ەلىمىزدە ءوتىپ جاتقان “قاراسورا” جانە “قۇقىقتىق ءتارتىپ” پروفيلاكتيكالىق ءىس-شارالارىنىڭ اياسىندا ەسىركى زاتىن زاڭسىز ساقتادى دەگەن كۇدىكپەن 31 جاستاعى كۇدىكتىنى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
2024 جىلدىڭ 3 ماۋسىمى كۇنى ساعات 00:40-تا اتالعان ءبولىم قىزمەتكەرلەرى الماتى-1 ۆوكزالىندا ي. اتتى ازاماتتىڭ قول سومكەسىن جانە ونىڭ تۇرعىن ءۇيىن تەكسەرۋ بارىسىندا ءىرى كولەمدە ەسىرتكى زاتتارى تاركىلەپ، ق ر قك-نىڭ 296-بابىنىڭ 4ء-بولىمى بويىنشا كۆاليكاسيالانۋدا. ي-دان جاۋاپ الۋ كەزىندە ول اتالعان زاتتاردى 2 ماۋسىم تۇنگى ساعات 23:00 شاماسىندا تۇركسىب اۋدانىنىڭ اۋماعىندا كەلە جاتىپ، جەردەن تاۋىپ العانىن ايتتى. ازامات ي-دىڭ ەسىرتكىگە تاۋەلدى جانە تۇرعىلىقتى جەرى بويىنشا ديسپانسەرلىك ەسەپتە تۇراتىنى جانە الماتى قالاسى تۇرعىنى ەكەنى انىقتالدى.
بۇل فاكت ق ر قىلمىستىق كودەكسىنىڭ 296-بابى 2-بولىگى بويىنشا سوتقا دەيىنگى تەرگەۋ تىزىمىنە تىركەلىپ، تابىلعان زاتتارعا سوت-حيميالىق ساراپتاما تاعايىندالدى. ساراپتاما قورىتىندىسىنا سايكەس، ازامات ي-دەن تابىلعان زاتتاردىڭ پسيحوتروپتى زاتتار ەكەنى انىقتالدى. ق ر قىجك 201-بابىنا سايكەس باسقا مالىمەتتەر جاريالاۋعا جاتپايدى.