الماتىدا «تازا قازاقستان» باعدارلاماسى مەن «الماتى – ءبىزدىڭ ورتاق ءۇيىمىز» ناۋقانى اياسىندا كەمىرگىشتەرگە قارسى اۋقىمدى دەراتيزاسيا قولعا الىندى، دەپ حابارلايدى aqshamnews.kz
5 ناۋرىز بەن 5 ءساۋىر ارالىعىندا سەگىز اۋدانداعى جاسىل جەلەكتەر، وزەن جاعالاۋلارى، ارىقتار، ايالدامالار جانە قوقىس كونتەينەرلەرى ورنالاسقان الاڭداردا كەمىرگىشتەرگە قارسى ۋلاۋ جۇمىستارى جۇرگىزىلەدى. جەكە سەكتور تۇرعىندارى ۋلى جەمدى تەگىن الا الادى. ينفەكسيالىق اۋرۋلاردىڭ الدىن الۋ ءۇشىن دەراتيزاسيا جىلىنا ەكى رەت جاسالادى. قوقىستى جويۋ، كارىز جۇيەسىن جوندەۋ جانە جەرتولەلەردى تازارتۋ جۇمىستارى قاتار جۇرگىزىلىپ وتىر.
10-16 ناۋرىز ارالىعىندا «تازا ساياباقتار مەن سكۆەرلەر» اپتالىعى وتەدى. ونىڭ اياسىندا سەنبىلىكتەر، كوگالداندىرۋ شارالارى، ەكولوگيالىق دارىستەر، شەبەرلىك دارىستەرى، پلوگگينگ جانە مەرزىمى وتكەن دارى-دارمەكتى جيناۋ ۇيىمداستىرىلادى. اكسياعا 445 ساياباق، سكۆەر جانە جاعالاۋ اۋماقتارى قاتىسادى. «الماتى – ءبىزدىڭ ورتاق ءۇيىمىز» ناۋقانى قالا تۇرعىندارىنىڭ ەكولوگيالىق ساۋاتىن ارتتىرۋعا جانە قورشاعان ورتاعا جاۋاپكەرشىلىكپەن قاراۋ مادەنيەتىن قالىپتاستىرۋعا باعىتتالعان.
