2023 جىلعى 08 جەلتوقسان ساعات 22:00-دەگى جاعداي بويىنشا الماتى قالاسىنداعى قار تازالاۋ قىزمەتىنىڭ جۇمىسى تۋرالى اقپارات
الماتى قالاسىنداعى 8 جەلتوقساندا ساعات 20:00-دەن باستاپ جاۋعان قار 9 جەلتوقسان كۇنى تۇسكە تامان توقتايدى.
ءقاۋىپتى اۋماقتاردا، تومەن تۇسەتىن، جوعارى شىعاتىن جانە جولايىرىقتارعا بۇرىلاتىن جەرلەرگە كوكتايعاقتىڭ الدىن الۋ ءۇشىن سۇيىق رەاگەنتتەر قولدانىلدى
سونىمەن قاتار، قار جاۋعان كەزدەن باستاپ 112 قىزمەتىنىڭ كۇشىمەن قۇم تاراتقىشتار ارقىلى جولدارعا كوكتايعاققا قارسى ماتەريالدار سەبىلەدى.
تروتۋارلاردى، جالپى پايدالانۋ ورىندارىن، قوعامدىق كولىك ايالدامالارىن، جەر ءۇستى وتكەلدەرىن تازالاۋ جۇمىستارى ۇيىمداستىرىلدى.
تۇنگى ۋاقىتتا 365 بىرلىك ارنايى تەحنيكا مەن 346 جۇمىسشى جۇمىلدىرىلدى.
قار تازالاۋ جۇمىسى ءۇشىن تاۋلىك بويى كەزەكشىلىك ۇيىمداستىرىلدى
«قازگيدرومەت» رمك بولجاۋىنشا تۇندە قار ۇشقىندايدى، ال 9 جەلتوقسان كۇنى تاڭنان باستاپ ساعات 15:00-گە دەيىن بيىكتىگى 8 مم قار جاۋادى. جەلدىڭ ەكپىنى 3-8 م/س. اۋا تەمپەراتۋراسى تۇندە -7 گرادۋسقا دەيىن سۋىتادى، 9 جەلتوقساندا كۇندىز تەرمومەتر باعانى مينۋس 4 گرادۋستى كورسەتەدى.
الماتى قالاسى كوممۋنالدىق ينفراقۇرىلىمدى دامىتۋ باسقارماسى