الماتىنىڭ كوممۋنالدىق قىزمەتتەرى العاشقى قار جاۋعاننان كەيىن كوشەلەردى تازارتۋدا، دەپ حابارلايدى Almaty-akshamy.kz
ادەتتەن تىس ۇزاققا سوزىلعان جىلى اۋا-رايىنان كەيىن الماتى قالاسىندا العاشقى قار جاۋدى. 8 جەلتوقسان كۇنى ساعات 20:00-دەن باستاپ الماتى قالاسىندا 9 جەلتوقساندا تۇسكە دەيىن قار جاۋا باستادى.
قالانىڭ بارلىق كوممۋنالدىق قىزمەتتەرى اۋا رايىنىڭ ناشارلاۋىنا ۋاقتىلى ىسكە كىرىستى.
وتكەن جىلدان باستاپ قار جاۋعانعا دەيىن جولداردى سۇيىق رەاگەنتتەرمەن الدىن-الا وڭدەۋ ءادىسى ءوزىن دالەلدەدى. بۇل تاجىريبە قازىرگى قار جاۋعان كەزدە قولدانىلادى.
كوكتايعاق قۇبىلىستارىنىڭ الدىن الۋ ماقساتىندا 68 قۇم تاراتقىشتىڭ كۇشىمەن جولدارعا كوكتايعاققا قارسى ماتەريالدار سەبىلدى.
ساعات 09:00-دەگى جاعداي بويىنشا 3620 توننا پايدالانىلدى.
قالادا 4 سم قار جاۋدى، مەدەۋ مەن شىمبۇلاقتا – 6 سم.
تروتۋارلاردى، جالپى پايدالانۋ ورىندارىن، قوعامدىق كولىك ايالدامالارىن، جەر ءۇستى وتكەلدەرىن تازالاۋ جۇمىستارى جۇرگىزىلۋدە.
تۇنگى كەزەڭدە سىپىرۋ-جيناۋ تەحنيكاسىنىڭ سەگىز كولونناسىنىڭ كۇشىمەن جول پوليسياسىنىڭ پاترۋلدىك ماشينالارىنىڭ سۇيەمەلدەۋىمەن ماگيسترالدىق كوشەلەر بويىنشا قار كۇرەۋ جۇرگىزىلدى.تۇستەن كەيىن قار تازارتىلادى، سودان كەيىن قاردى جاپپاي شىعارۋ بويىنشا جۇمىستار ۇيىمداستىرىلاتىن بولادى.
535 بىرلىك ارنايى تەحنيكا مەن 1006 جول جۇمىسشىسى جۇمىلدىرىلدى.
قىسقى كەزەڭدە جۇمىس ىستەۋ ءۇشىن بارلىعى 818 بىرلىك ارنايى تەحنيكا دايىندالدى، 1430 جول جۇمىسشىسى بار. مۇزعا قارسى ماتەريالداردىڭ نورماتيۆتىك سانى دايىندالدى.
قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
تۇنگى كەزەڭدە پاترۋلدىك پوليسيا ەكيپاجدارىنىڭ سانى ارتتى.
23 جول كولىك وقيعاسى تىركەلىپ، 3 ادام زارداپ شەكتى، وتكەن اپتامەگ سالىستىرعاندا اپاتتىڭ تىركەلگەن سانى ورتاشا دەڭگەيدەن تومەن، بۇل اۋا-رايىنىڭ ناشارلاۋى تۋرالى حالىقتى ۋاقتىلى حاباردار ەتۋمەن بايلانىستى
العاشقى قاردىڭ تۇسۋىنە جانە جولدارداعى كوكتايعاققا بايلانىستى اۆتوكولىك جۇرگىزۋشىلەرىن جىلدامدىقتى تومەندەتۋگە، كۇرت تەجەلۋگە جۇگىنبەۋگە، قاشىقتىقتى، بۇيىرلىك ارالىقتى جانە مانيەۆر جاساۋ ەرەجەلەرىن ساقتاۋ ماڭىزدى. جاياۋ جۇرگىنشىلەر تروتۋارلاردا جۇرگەندە اباي بولۋ كەرەك، بەلگىلەنگەن جەرلەردە كوشەلەردى كەسىپ ءوتۋ كەرەك، قارتتار مەن بالالارعا كومەك كورسەتۋ كەرەك.
"قازگيدرومەت" رمك بولجامى بويىنشا ورتاشا قار تۇسكە دەيىن جاۋادى دەپ بولجانۋدا.جەل 3-8 م/س. اۋا تەمپەراتۋراسى كۇندىز مينۋس 4 گرادۋس ايازعا دەيىن.
الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى