بۇگىندە كىتاپ وقيتىندارد سانى ارتقان
الماتىدا 5 قاراشادا KITAP FEST KIDS كىتاپ فەستيۆالى وتەدى. بۇل تۋرالى كىتاپ فەستيۆالىنىڭ باس ۇيلەستىرۋشiسi مايرا ءالجانوۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ايتۋىنشا، فەستيۆال بيىل 8ء-شى مارتە وتكىزىلەدى. ونىڭ بارىسىندا قالا تۇرعىندارى مەن قوناقتار كىتاپتاردى جەڭىلدىكپەن ساتىپ الىپ، ءوزارا كىتاپ الماسا الادى.
«پاندەميا كەزىندە بولماسا، فەستيۆال جىل سايىن ءوتىپ كەلەدى. شارانىڭ نەگىزگى ماقساتى – حالىققا كىتاپ وقۋدى كەڭىنەن ناسيحاتتاۋ. ەكىنشىدەن، ءالى تانىلماعان جاس جازۋشىلارعا قولداۋ ءبىلدىرۋ، ياعني، ولاردىڭ شىعارمالارىن حالىققا ۇسىنۋ، ءوز وقىرمانىن تابۋعا كومەكتەسۋ. ۇشىنشىدەن، باسپاگەرلەردى قولداۋ. بۇل الەمدىك كىتاپفەست قاۋىمداستىعىنا كىرەتىن قازاقستانداعى جالعىز كىتاپ فەستيۆالى. ول بارلىق قاتىسۋشىلار ءۇشىن تەگىن وتەدى»،- دەدى مايرا ءالجانوۆا.
سپيكەردىڭ سوزىنشە، فەستيۆال بيىل بالالارعا ارنالادى.
«بيىلعى جىل پرەزيدەنتتىڭ باستاماسىمەن بالالار جىلى اتالدى. سول سەبەپتى بيىلعى كىتاپ فەستيۆالى «KITAP FEST KIDS» دەگەن اتاۋمەن وتەدى. بالالار ءۇشىن قىزىقتى شارالار ۇيىمداستىرىلادى. ءبىراق، فەستيۆال تەك بالالارعا عانا ەمەس، ەرەسەكتەرگە دە قىزىقتى بولادى. ولار بەلگىلى قازاقستاندىق جازۋشىلارمەن، جاس جازۋشىلارمەن كەزدەسەدى، كەيىنگى جىلدارى جاڭادان باسىلىپ شىققان كىتاپتاردىڭ تۇساۋكەسەرى وتەدى. سونىمەن قاتار بلوگەرلەر جاستارعا ءوز تاجىريبەلەرىمەن بولىسەدى. ەڭ باستىسى، فەستيۆالدە ۇلكەن كىتاپ جارمەڭكەسى وتەدى. وندا «مەلومان»، «كۆيت»، «ەرۋديت»، «ماما پوچيتاي»، «قازىنا» سەكىلدى ءىرى كىتاپ دۇكەندەرى ءوز كىتاپتارىن 20% جەڭىلدىكپەن ۇسىنادى»، - دەدى سپيكەر.
مايرا ءالجانوۆا اتاپ وتكەندەي، قازىرگى تاڭدا قازاق تىلىنە اۋدارىلعان شەتەلدىك ادەبيەتتەردى وقىرمان جاقسى قابىلداعان.
«ءقازىر ەلىمىز جازۋشىلارىنىڭ كىتاپتارىمەن قاتار، شەت ەل ادەبيەتىن قازاق تىلىنە اۋدارىپ، جارىققا شىعارىپ جاتقان باسپا ۇيلەرى بار. مىسالى، «Qasym»، «Steppe & WORLD Publishing» ، «Abay Books»، «Meloman Publishing «، باسقا دا باسپا ۇيلەرى بار. ولار قازاق تىلىنە شەتەلدىك ادەبيەتتەردى، اتاپ ايتقاندا، «ديسنەي» ەرتەگىلەرىن، گارري پوتتەردىڭ 7 تومدىعىن جانە وزگە دە كىتاپتاردى اۋدارىپ، شىعاردى. نەگىزى، تمد ەلدەرىنە شەتەل ادەبيەتتەرى رەسەي ارقىلى ورىس تىلىندە تارايدى. ولاردى قازاق باسپا ۇيلەرى انا تىلىمىزگە اۋدارادى. بۇل – قۋانارلىق جاعداي"،- دەدى ول.
بۇگىنگى كۇنى كىتاپ وقيتىنداردىڭ سانى ارتقانى اتاپ ءوتىلدى.
«2014 جىلمەن سالىستىرعاندا، ءقازىر كىتاپ وقيتىنداردىڭ سانى ارتتى. سەبەبى، فەستيۆالگە العاشقى جىلدارى 500-1000 ادام كەلسە، سوڭعى كىتاپ فەستيۆالىنە 10 مىڭعا دەيىن ادام قاتىستى. ياعني، ءقازىر كىتاپسۇيەر وقىرمان كوبەيىپ كەلەدى. سونداي-اق ءقازىر كىتاپ دۇكەندەرىندە كوپ جاستاردى كورەسىز»،- دەدى سپيكەر.
ول سونداي-اق شەتەلدە قازاقتىڭ كلاسسيك اقىن-جازۋشىلارىنىڭ ەڭبەكتەرى شەت تىلدەرگە اۋدارىلىپ، ساتىلاتىنىن جەتكىزدى.