بۇگىن قازاقستاننىڭ باسىم بولىگىندە كۇن بۇزىلادى
بۇگىن، 26 قازاندا تۇندە جانە تاڭەرتەڭ اقمولا وبلىسىنىڭ سولتۇستىگىندە تۇمان كۇتىلەدى. كۇندىز وبلىستىڭ سولتۇستىگىندە، شىعىسىندا كوكتايعاق، جاياۋ بۇرقاسىن كۇتىلەدى. وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇندىز وبلىستىڭ باتىسىندا، سولتۇستىگىندە، شىعىسىندا 15-20، كەي ۋاقىتتاردا ەكپىنى 23 م/س كۇتىلەدى. بۇل تۋرالى Almaty-akshamy.kz قازگيدرومەتكە سىلتەمە جاساپ حابارلايدى.
بۇگىن كۇندىز الماتى وبلىسىنىڭ تاۋلى اۋداندارىندا قاتتى جاۋىن-شاشىن (جاڭبىر، قار) جاۋۋى مۇمكىن. وبلىستىڭ وڭتۇستىگىندە جانە تاۋلى اۋداندارىندا تۇمان تۇسەدى. كۇندىز وبلىستىڭ شىعىسىندا جانە تاۋلى اۋداندارىندا 15-20 م/س جەل سوعادى.
قىزىلوردا وبلىسىندا جەل وڭتۇستىك-باتىستان، باتىستان سوعادى، تۇندە وبلىستىڭ ورتالىعىندا كۇشى 15-20 م/س، كۇندىز 15-20، وبلىستىڭ ورتالىعىندا 23 م/س كۇتىلەدى.
26 قازاندا كۇندىز ۇلىتاۋ وبلىسىنىڭ باسىم بولىگىندە وڭتۇستىك-باتىستان جەل سوعادى، ەكپىنى - 15-20 م/س.
تۇندە جانە تاڭەرتەڭ تۇركىستان وبلىسىنىڭ وڭتۇستىگىندە، تاۋلى جانە تاۋ بوكتەرلى اۋداندارىندا قاتتى جاڭبىر جاۋۋى ىقتيمال. تاۋلى اۋدانداردا تۇمان تۇسەدى. وڭتۇستىك-باتىستان جەل سوعادى، وبلىستىڭ سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا كۇشى 15-20، كۇندىز تاۋ اسۋلارىندا 25 م/س دەيىن بارادى.
«26 قازاندا اقتوبە وبلىسىنىڭ سولتۇستىگىندە، شىعىسىندا كوكتايعاق كۇتىلەدى. باتىستان، سولتۇستىك-باتىستان جەل سوعادى، وبلىستىڭ شىعىسىندا، وڭتۇستىگىندە، ورتالىعىندا ەكپىنى 15-20 م/س بولادى.
وسى كۇنى قوستاناي وبلىسىنىڭ باتىسىندا، سولتۇستىگىندە، شىعىسىندا تۇمان، كوكتايعاق، جاياۋ بۇرقاسىن كۇتىلەدى. وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇشى تۇندە وبلىستىڭ باتىسىندا، سولتۇستىگىندە، شىعىسىندا 15-20 م/س، كۇندىز 15-20، ەكپىنى 23-28 م/س بولادى»، - دەپ جازدى قازگيدرومەتتەن.
بۇگىن كۇندىز پاۆلودار وبلىسىنىڭ باتىسىندا، وڭتۇستىگىندە جەل سوعادى، ەكپىنى 15-20 م/س كۇتىلەدى.
باتىس قازاقستان وبلىسىنىڭ باتىسىندا، سولتۇستىگىندە تۇمان تۇسەدى.
26 قازاندا تۇندە جانە تاڭەرتەڭ اقمولا وبلىسىنىڭ سولتۇستىگىندە دە تۇمان كۇتىلەدى. كۇندىز وبلىستىڭ سولتۇستىگىندە، شىعىسىندا كوكتايعاق، جاياۋ بۇرقاسىن بولۋى مۇمكىن. وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇندىز وبلىستىڭ باتىسىندا، سولتۇستىگىندە، شىعىسىندا 15-20، كەي ۋاقىتتاردا ەكپىنى 23 م/س كۇتىلەدى.
وسى كۇنى سولتۇستىك قازاقستان وبلىسىنىڭ باسىم بولىگىنە جاۋىن-شاشىن (جاڭبىر، قار) تۇسەدى. وبلىستىڭ سولتۇستىگىندە، باتىسىندا، شىعىسىندا تۇمان، كوكتايعاق، جاياۋ بۇرقاسىن كۇتىلەدى. سولتۇستىك-باتىستان جەل سوعادى، كۇندىز وبلىستىڭ سولتۇستىگىندە، باتىسىندا ەكپىنى 15-20 م/س دەيىن بارادى.
«26 قازاندا جامبىل وبلىسىنىڭ وڭتۇستىك-باتىسىندا، تاۋلى اۋداندارىندا قاتتى جاۋىن-شاشىن (جاڭبىردىڭ سوڭى قارعا ۇلاسادى) بولادى. تۇندە جانە تاڭەرتەن تاۋلى اۋدانداردا تۇمان تۇسەدى. وڭتۇستىك-باتىستان سوققان جەل سولتۇستىك-باتىس جەلىنە اۋىسادى، 26-27 قازاندا وبلىستىڭ وڭتۇستىك-باتىسىندا، سولتۇستىك-شىعىسىندا، تاۋلى اۋداندارىندا 15-20 م/س، 26 قازاندا وبلىستىڭ وڭتۇستىك-باتىسىندا، تاۋلى اۋداندارىندا ەكپىنى 23-28 م/س كۇتىلەدى»، - دەلىنگەن سينوپتيكتەردىڭ حابارلاماسىندا.