الماتىدا كىلت توقتاعان اۆتوبۋستاعى جولاۋشى جانساقتاۋ بولىمىنەن ءبىر-اق شىقتى

جولاۋشىلار ەدەنگە قۇلادى

2022 جىلدىڭ 26 شىلدەسىندە الماتىدا №38 مارشرۋتتىق اۆتوبۋستارىنىڭ بىرىندە وقىس وقيعا ورىن الدى، دەپ حابارلايدى Almaty-akshamy.kz Zakon.kz-كە سىلتەمە جاساپ.

اۆتوبۋس ساين كوشەسىنىڭ بويىمەن سولتۇستىك باعىتقا قاراي جىلجىپ كەلە جاتقان. شامامەن ساعات 11:10-دا جۇرگىزۋشى تەجەگىشتى شالت باسىپ، سالدارىنان سالونداعى جولاۋشىلار ەدەنگە قۇلادى.

ولاردىڭ ءبىرى – 1947 جىلعى ايەل كوپتەگەن دەنە جاراقاتىن الىپ، №7 قالالىق كلينيكالىق اۋرۋحاناعا جەتكىزىلدى.

الەۋمەتتىك جەلىدە تۋىستارىنىڭ جازۋىنشا، اجەي جانساقتاۋ بولىمىنە تۇسكەن. ونىڭ التى قابىرعاسى سىنىپ، باس-مي جاراقاتى، كەۋدە تۇسىنىڭ كوگەرۋى، ميىنا قان كەتۋى سىندى زارداپقا تاپ بولعان.
تۋىستارىنىڭ ايتۋىنشا، اۆتوپارك اكىمشىلىگى ولارمەن بايلانىسقا شىقپاعان.

الماتى قالاسى پد باسپا ءسوز قىزمەتى بۇل فاكتى اۋەزوۆ اۋدانىنىڭ پب تەرگەۋگە العانىن حابارلادى. ءتيىستى ساراپتامالار تاعايىندالاتىن بولادى. جۇرگىزۋشىنىڭ ارەكەتىنە قۇقىقتىق باعا بەرىلەدى.
الماتىەلەكتروترانس تەرگەۋ شارالارى اياقتالعاننان كەيىن تۇسىنىكتەمە بەرەتىنىن جەتكىزدى.