سوت ناۋرىزباي اۋدانىنداعى «Qadam» تۇرعىن ءۇي كەشەنىن سۇرۋگە شەشىم شىعاردى.
بۇعان دەيىن الماتى قالاسىنىڭ قالا قۇرىلىسىن باقىلاۋ باسقارماسى نىساندى تەكسەرىپ، ساۋلەت، قالا قۇرىلىسى جانە قۇرىلىس قىزمەتى سالاسىندا ءبىرقاتار زاڭ بۇزۋشىلىقتاردى انىقتادى. ءتورت قاباتتى كوپ پاتەرلى تۇرعىن ءۇيدىڭ قۇرىلىسى رۇقسات قۇجاتتارىنسىز باستالعان. تەكسەرۋ ناتيجەلەرى بويىنشا «Qadam تك» جشس-نە قاتىستى اكىمشىلىك حاتتامالار تولتىرىلىپ، كەيىننەن زاڭسىز سالىنىپ جاتقان نىساندى بۇزۋ تۋرالى تالاپ ارىز جازىلدى، دەپ حابارلايدى Almaty-akshamy.kz.
ناتيجەسىندە سوت شەشىمىمەن زاڭسىز سالىنعان نىساندى بۇزۋ تۋرالى تالاپ قاناعاتتاندىرىلدى. ءقازىر شەشىمنىڭ زاڭدى كۇشىنە ەنۋى كۇتىلۋدە.
جىلجىمايتىن مۇلىكتى ساتىپ الۋدان بۇرىن تۇرعىندار سالىنىپ جاتقان ءۇي تۋرالى اقپاراتتى تەكسەرىپ، مىنا جەدەل جەلى ارقىلى قۇجاتتار پاكەتىنىڭ تۇگەلدىگىن انىقتاي الادى: +7 (727) 229-81-36.