الماتىنىڭ قالا قۇرىلىسىن باقىلاۋ باسقارماسىنىڭ مالىمەتىنشە، قايرات شاعىن اۋدانى، داۋلەتكەرەي كوشەسى، 61ء-ۇي مەكەنجايىندا ءىرى كۇردەلى قۇرىلىم بۇزىلدى. مەنشىك يەسى نىساندى رۇقساتسىز سالعان، دەپ حابارلايدى Almaty-akshamy.kz.
جوسپاردان تىس تەكسەرۋ ناتيجەلەرى بويىنشا باسقارما مەنشىك يەسىنە قاتىستى قۇرىلىس-مونتاج جۇمىستارىن توقتاتا تۇرۋعا جانە ۋچاسكەنى باستاپقى كۇيىنە كەلتىرۋگە نۇسقاما بەرە وتىرىپ، 1-باپتىڭ 316-بابى بويىنشا اكىمشىلىك شارالار قابىلدادى. ءوز كەزەگىندە مەنشىك يەسى نۇسقامانى ورىندامادى، وسىعان بايلانىستى ءىس سوتقا جىبەرىلدى.
2024 جىلعى 27 ناۋرىزدا تۇركسىب اۋداندىق سوتىنىڭ شەشىمىمەن باسقارمانىڭ تالابى قاناعاتتاندىرىلدى.
سوت شەشىمىن ورىنداۋ ءۇشىن مەنشىك يەسى نىساندى ءوز ەركىمەن بۇزدى.
الماتى اكىمى ەربولات دوسايەۆتىڭ تاپسىرماسى اياسىندا تالاپ قويۋ قىزمەتىنىڭ ناتيجەلەرى بويىنشا وتكەن جىلدان باستاپ قالا بويىنشا 35 زاڭسىز نىسان تولىقن نەمەسە جارتىلاي بۇزىلدى، ونىڭ ىشىندە بيزنەس ورتالىقتار، مەيرامحانالار، قوسالقى عيماراتتار مەن اۆتوسەرۆيستەر، سونداي-اق «مەچتا» جانە KHAN سياقتى ءىرى تۇرعىن ءۇي كەشەندەرى بار.