الماتىلىق قۇتقارۋشىلار ءبىر مەزگىلدە ەكى ءورت وقيعاسىمەن كۇرەستى.
ءبىرىنشى وقيعا ناۋرىزباي اۋدانىنىڭ قالقامان شاعىن اۋدانىندا بولعان، دەپ حابارلايدى Almaty-akshamy.kz.
تۇرعىن ءۇيدىڭ جەرتولەسىندە ماكۋلاتۋرا جانىپ كەتكەن.
تۇرعىندار پاتەرىنەن ءوز بەتىمەن شىققان.
الماتىلىق قۇتقارۋشىلار شاقىرتۋدان كەيىن جارتى ساعاتتىڭ ىشىندە ءتىلسىز جاۋدى ءسوندىردى.
ەكىنشى وقيعا جەتىسۋ اۋدانىنداعى جەكە تۇرعىن ۇيدە بولدى. جالىن 50 شارشى مەتر اۋماقتى شارپىدى.
ءورت سالدارىنان قازا تاپقاندار مەن زارداپ شەككەندەر جوق. سەبەبى انىقتالىپ جاتىر.