قالا ماڭىنداعى قوعامدىق كولىك قىزمەتىن دامىتۋ ماقساتىندا الماتى قالالىق موبيلدىلىك باسقارماسى 26 قاراشادان باستاپ №216 جاڭا قالاماڭى مارشرۋتىن ىسكە قوستى، دەپ حابارلايدى Almaty-akshamy.kz
اتالعان مارشرۋت داۋلەت اۋىلى مەن الماتى-1 تەمىرجول ۆوكزالى ارالىعىندا قىزمەت كورسەتەدى. جەلىدە 45 مينۋتتىق جيىلىكپەن 5 اۆتوبۋس جۇرەتىن بولادى.
ەستەرىڭىزگە سالا كەتەيىك، الماتى اگلومەراسياسىن دامىتۋ اياسىندا باسقارما 2023 جىلى 25 ەلدى مەكەندى قامتيتىن 10 قالاماڭى مارشرۋتىن ۇيىمداستىرۋدى جوسپارلاپ وتىر. بۇعان دەيىن 7 مارشرۋت ىسكە قوسىلدى، قالعان 2 مارشرۋت ازىرلەنۋدە.
بۇدان بولەك، الماتى جانە الماتى اگلومەراسياسىن دامىتۋ جوسپارىنا سايكەس 2024 جىلدىڭ سوڭىنا دەيىن قالا ماڭىنداعى 20 جاڭا مارشرۋتتاردى ۇيىمداستىرۋ جوسپارلانۋدا، ولاردىڭ ەسەبىنەن 50 ەلدى مەكەن قامتاماسىز ەتىلەدى.