قالا اكىمدىگى باسپا ءسوز قىزمەتىنىڭ حابارلاۋىنشا، دەراتيزاسيا مەگاپوليستىڭ 47 مىڭ گەكتاردان استام اۋماعىندا جۇرگىزىلەدى. ساياباقتار، سكۆەرلەر، وزەن جاعالاۋلارى، سۋ قويمالارى، ارىق ناۋالارى، كونتەينەرلىك الاڭدار وڭدەلەدى، دەپ حابارلايدى اlmaty-akshamy.kz
«دەراتيزاسيالىق وڭدەۋگە مامانداندىرىلعان دارىگەرلەر مەن ارنايى تەحنيكا جۇمىلدىرىلادى. جەكە سەكتوردىڭ تۇرعىندارى ارنايى ۋلى حيميكاتتاردى تەگىن الاتىن بولادى. كەمىرگىشتەردى جويۋ جونىندەگى كومپانياعا كاسىپكەرلىك نىساندار دا قاتىسادى»،– دەپ حابارلايدى اكىمدىك.
بۇدان باسقا، الدىن الا وڭدەۋمەن شامامەن 3،5 مىڭ ساۋدا ورىندارى مەن ونەركاسىپ كاسىپورىندارى، 500-دەن استام ءبىلىم بەرۋ وبەكتىلەرى مەن دەنساۋلىق ساقتاۋ مەكەمەلەرى، ونىڭ ىشىندە اۋرۋحانالار، ەمحانالار، مەكتەپتەر مەن بالاباقشالار، مەترو، ۆوكزالدار مەن ستاديوندار قامتىلادى.
الماتىدا جىل سايىن 2 كەزەڭمەن وتكىزىلەتىن دەراتيزاسيا كەمىرگىشتەر سانىن ازايتۋ، سونداي-اق اسا ءقاۋىپتى جۇقپالى جانە ينۆازيالىق اۋرۋلاردىڭ تارالۋىنىڭ الدىن الۋ ءۇشىن قاجەت.