الماتىدا دارىگەرلەر 86 جاستاعى ايەلدى جاڭا تەحنولوگيا كومەگىمەن اياعىنا تۇرعىزدى
ورتالىق قالالىق كلينيكالىق اۋرۋحاناعا 86 جاسار ايەل جامباس موينىنىڭ سىنىعىمەن جۇگىندى. اۋرۋحانانىڭ تراۆماتولوگى داۋلەت چۋكمانوۆ ناۋقاسقا جامباس بۋىنىن جەرگىلىكتى تۇردە ەندوپروتەزدەۋ سەكىلدى كۇردەلى وپەراسيا جۇرگىزدى.
جامباس سۇيەگىنىڭ سىنۋى - قارت ادامدار اراسىندا ەڭ كوپ تارالعان جاراقاتتىڭ ءبىر ءتۇرى. ءارى مۇنداي كەزدە ۋاقىتىندا مامانداندىرىلعان جاراقاتتى ەمدەۋ كومەگى كورسەتىلمەگەن جاعدايدا بۇل بولىمگە دەيىن اكەلۋى مۇمكىن.
«جاسى ۇلكەن ادامدارعا مۇنداي دياگنوز كوبىنەسە موبيلدىكتىڭ جوعالۋىنا، سىنعان جەردىڭ اۋىرۋىنا، توسەك تارتىپ جاتىپ قالۋىنا (وپەراسيا جاسالماعان جاعدايدا) جانە تيەسىلى تۇردە باسقا دا اۋرۋشاڭدىقتىڭ قوسىلىپ اسقىنۋىنا اكەلەدى: ءبىرىنشى كەزەكتە - ىركىلىس پنيەۆمونياسى مەن تەرىنىڭ ويىلۋى.
وپەراسيا ەپيدۋرپلدى انەستەزيامەن جۇرگىزىلىپ، ءبىر ساعاتتان استام ۋاقىتقا سوزىلدى. حيرۋرگيالىق تۇرعىدا ارالاسۋ بارىسىندا ءبىز جامباستىڭ موينى مەن باسىن جانە ۇرشىقتىق ويىسىن تولىعىمەن اۋىستىردىق.
وپەراسيادان سوڭ كەلەسى تاۋلىكتە پاسيەنت بارلىق ءۇمىتىمىزدى اقتاپ، ءوز بەتىمەن وتىرىپ، تۇرىپ جانە اربانىڭ كومەگىمەن جۇرە باستادى. كەلەسى كۇنى پاسيەنتپەن رەابيليتولوگ دارىگەرلەر جۇمىس ىستەي باستادى. 7-كۇنى پاسيەنت امبۋلاتورلىق ەمدەلۋگە شىقتى. ارينە، ونى وڭالتۋدىڭ ەكىنشى ساتىسى كۇتەدى»،- دەيدى مامان.
جامباس بۋىنىن ەندوپروتەزدەۋ بۇگىنگى كۇنى اياقتىڭ ءالى كەتكەن قىزمەتىن قايتا قالپىنا كەلتىرۋدىڭ جالعىز ءارى ءتيىمدى ءتاسىلى بولىپ تابىلادى. ماماننىڭ ايتۋى بويىنشا، زاماناۋي بۋىن ەندوپروتەزدەرى جاسالاتىن ماتەريالدار ادامنىڭ ورگانيزمىنە ءتوزىمى جوعارى جانە جاقسى ۇلاسادى. قىزمەت ەتۋ مەرزىمى ورتاشا ەسەپپەن 15-20 جىل، ال كوپتەگەن جاعدايدا ناۋقاس ونى 30 جىلعا دەيىن قولدانادى. ەندوپروتەز ەسكىرگەن كەزدە ونى جاڭاسىنا اۋىستىرادى.
ءوز كەزەگىندە ناۋقاس مەديسينا قىزمەتكەرلەرىنە العىسىن جاۋدىردى.