الماتىدا كاسىپقوي بوكسشىلارعا ارنالعان وتاندىق پروموۋشەن اشىلدى

گران-پري ءتۋرنيرى وتپەك

الماتىدا كاسىپقوي بوكسشىلارعا ارنالعان وتاندىق جاڭا پروموۋشەن اشىلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ەلىمىزدىڭ جاس سپورتشىلارىنان قۇرالعان ۇيىمنىڭ تانىستىرىلىمىنا قازاق سپورتىنىڭ مايتالماندارى قاتىسىپ، كەشتىڭ كۋاسى بولدى. ولاردىڭ اراسىندا دامير يسماعۇلوۆ، ەركەبۇلان توقتار، جاڭقوش تۇراروۆ جانە ەل تاريحىندا ەڭ ۇزدىك باپكەر اتانعان تۇرسىنعالي ەدىلوۆ بار.

«ءبىزدىڭ سپورتشىلار مەديا جاعىنان ءوسسىن. حالىقتا شەتەلدىكتەرگە قاراعاندا ءبىزدىڭ سپورتشىلارعا قىزىعۋشىلىق كوپ بولسىن»، – دەدى سپورتشى ەركەبۇلان توقتار.

جاڭا پروموۋشەن جاقىندا 4 سالماق دارەجەسى بويىنشا گران-پري ءتۋرنيرىن وتكىزۋدى جوسپارلاپ وتىر. جالپى سىياقى قۇنى 30 ميلليون تەڭگەنى قۇرايدى. بوكس كەشى الماتىدا وتەدى.

«ءقازىر 6 بوكسشى بار. بەسەۋى سپورت شەبەرى بولسا، بىرەۋى عانا سپورت شەبەرلىگىنە ۇمىتكەر. بارلىعىنىڭ بولاشاعىنان ءۇمىت كۇتەمىز. ءقازىر جۇمىس ىستەپ، ەڭبەكتەنىپ، تاجىريبە جيناۋ كەرەك»، – دەدى پروموۋشەن پرەزيدەنتى رۋسلان زادارنوۆسكيي.

«جاس سپورتشىلاردى الىپ جاتىر. ولاردىڭ دامۋىنا مۇمكىندىك بەرەدى. قازاقستاندا وسىنداي ۇيىمدار كوپ بولسا، بوكسشىلار اراسىندا باسەكەلەستىك ارتىپ، حالىقارالىق ارەنادا قازاقتىڭ اتى شىعارى ءسوزسىز»، – دەدى سپورتشى دامير يسماعۇلوۆ.