كاسىپكەرلىك سالاسىنداعى زاڭ بۇزۋشىلىقتار تۋرالى بەلگىنى قالالىق پروكۋراتۋراعا جىلدام جىبەرۋگە بولادى
ەندى سمارتفون كامەراسىن QR-كودقا باعىتتاۋ ارقىلى كاسىپكەرلىك سالاسىنداعى بۇزۋشىلىقتار تۋرالى بەلگىنى قالالىق پروكۋراتۋراعا جىلدام جىبەرۋگە بولادى، - دەپ حابارلايدى almaty-akshamy.kz الماتى قالالىق پروكۋراتۋرانىڭ باسپا ءسوز قىزمەتىنە سىلتەمە جاساپ.
الماتى قالاسىنىڭ پروكۋراتۋراسى باسپا ءسوز قىزمەتى ءمالىم ەتكەندەي، قالالىق پروكۋراتۋرا مەن «اتامەكەن» كاسىپكەرلەر پالاتاسى كاسىپكەرلەر سيفرلىق سەرۆيس ويلاپ تاپتى. ول ارقىلى كاسىپكەرلەر ءموبيلدى توپقا كاسىپكەرلىك سالاسىنداعى بۇزۋشىلىق تۋرالى بەلگى مەن ونلاين وتىنىشتەر قالدىرا الادى.
«كاسىپكەرلىك سالاسىنداعى بۇزۋشىلىق تۋرالى بەلگى ءموبيلدى توپقا جەدەل ارەكەت ەتۋ ءۇشىن جىلدام جەتەدى. بۇل كاسىپكەرلەرگە بۇزىلعان قۇقىقتارىن تەز ارادا قالپىنا كەلتىرۋگە مۇمكىندىك بەرەدى. پروسەستى سيفرلاندىرۋ بيزنەس سۋبەكتىلەرىنىڭ ۋاقىتىن ۇنەمدەپ، ولاردىڭ قۇقىقتارىنىڭ بۇزىلۋىنا تەز ارادا دەن قويۋعا مۇمكىندىك بەرەدى»،- دەپ حابارلادى الماتى قالالىق پروكۋراتۋرانىڭ باسپا ءسوز قىزمەتى.