مەدەۋ اۋدانىنىڭ ەكى تۇرعىنىنىڭ شويىن قاقپاقتاردى ۇرلاۋدىڭ بەس ەپيزودىنا قاتىسى بار بولىپ شىقتى.
ۇرلىق جاسادى دەگەن كۇدىككە ىلىنگەن 27 جاستاعى س.ەسىمدى ازامات پەن 23 جاستاعى ك.ەسىمدى ازامات ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ۇستالعان ادامدار ىستەگەن ىستەرىن مويىنداپ، اقشا تابۋدىڭ بۇل جولىن جاقىندا ويلاپ تاپقاندارىن ايتتى: ولار لوممەن جانە قولدان جاسالعان زاتتارمەن قارۋلانىپ، اۋداندا ۇرلىق جاساي باستادى. قاسكويلەر ۇرلانعان قالپاقتاردى مەتالل قابىلداۋ پۋنكتىنە تاپسىرىپ، ودان تۇسكەن اقشانى ءوزارا ءبولىسىپ، جەكە قاجەتتىلىكتەرىنە جۇمساعان. قالعان كارىز ليۋكتەرى تاركىلەندى. كۇدىكتىلەرگە قاتىستى ق ر قك-نىڭ 188-بابىندا كوزدەلگەن قىلمىس بەلگىلەرى بويىنشا قىلمىستىق ءىس تەرگەلۋدە. ولاردىڭ جالپى قالا بويىنشا وسىعان ۇقساس باسقا دا قىلمىستى جاساۋعا قاتىسى بار-جوعى تەكسەرىلەتىن بولادى»، – دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.