الماتىدا “كامەراد” قارۋ-جاراق دۇكەنىن توناعان تاعى ەكى ادام ۇستالدى
ولار - 27-28 جاس ارالىعىنداعى الماتى وبلىسىنىڭ ەكى تۇرعىنى. بىرەۋى بۇرىن بوتەننىڭ مۇلكىن ۇرلاعانى ءۇشىن سوتتى بولعان، دەپ حابارلايدى Almaty-akshamy.kz
«بۇل جولى قاسكويلەر قارۋ-جاراق دۇكەنىنىڭ مۇلكىنە كوز سالعان. 6 قاڭتارعا قاراعان ءتۇنى ولار “كامەراد” قارۋ-جاراق دۇكەنىن توناپ، ودان 5 تەگىس ۇڭعىلى مىلتىق، پاتروندار مەن وق وتپەيتىن جيدەلەردى ۇرلاعان. كۇدىكتىلەر ۇستالدى جانە قاماۋعا الىندى. زاتتاي ايعاقتار تاركىلەندى. ۇستالعانداردىڭ باسقا دا، سونىڭ ىشىندە جاپپاي تارتىپسىزدىكتەر كەزىندە ورىن العان قىلمىستارعا قاتىستىلىعى تەكسەرىلۋدە. قىلمىستىق ءىستى اۋەزوۆ اۋداندىق پب جانىنداعى پوليسيا ءبولىمى ق ر قك-نىڭ 291-بابى، 3-بولىگى بويىنشا تەرگەپ جاتىر»، – دەپ حابارلادى الماتى قالالىق پوليسيا دەپارتامەنتى باستىعىنىڭ ورىنباسارى بەرىك ابىلبەكوۆ.