سۇلۋساي، جانە مۇزتاۋ شاعىن اۋداندارى جىل سوڭىنا دەيىن سۋمەن قامتاماسىز ەتىلەدى
الماتىدا مەدەۋ اۋدانىنىڭ وڭتۇستىك بولىگىن سۋمەن جابدىقتاۋدىڭ رەزەرۆتىك جۇيەسىن ورناتۋ اياقتالدى. بۇل تۋرالى «الماتى سۋ» مكك باس ديرەكتورى ءىلياس قازييەۆ وڭىرلىك كوممۋنيكاسيالار قىزمەتىندە وتكەن بريفينگتە مالىمدەدى، دەپ حابارلايدى aqshamnews.kz
«مەدەۋ اۋدانىنىڭ وڭتۇستىك بولىگىندە سۋ تاپشىلىعىن جويۋ ءۇشىن الماتى اكىمى ەربولات دوسايەۆتىڭ تاپسىرماسى بويىنشا قىسقا مەرزىم ىشىندە سۋمەن جابدىقتاۋدىڭ جاڭا رەزەرۆتىك جۇيەسى قۇرىلدى. ول قالانىڭ وسى بولىگىنە جەر استى كوزدەرىنەن تاۋلىگىنە 32 مىڭ تەكشە مەتر سۋ بەرۋدى قامتاماسىز ەتتى. ياعني، سامال، كوك-توبە جانە تاۋلى قىرات شاعىن اۋداندارىنىڭ 50 مىڭ تۇرعىنى قالانىڭ تومەنگى بولىگىنەن جىبەرىلەتىن سۋمەن قامتاماسىز ەتىلۋى مۇمكىن»، - دەدى ءىلياس قازييەۆ.
بۇل اۋا-رايىنىڭ قاتتى اسەرىنە ۇشىراعان كىشى الماتى وزەنىنىڭ باستاپقى سۋىنىڭ ساپاسىنا تاۋەلدىلىكتى جويدى، مۇندا سۋدىڭ ساپاسى لايلانۋدىڭ جوعارىلاۋىنا بايلانىستى ناشارلادى.
بۇل جوبانىڭ ەرەكشەلىگى-تالعار جەر استى سۋلارىنىڭ كەن ورنىنان كاسكادتى تاسىلمەن سۋ بەرۋ جانە كەرى رەجيمدە جۇمىس ىستەۋ مۇمكىندىگى، ياعني قاجەت بولعان جاعدايدا سۋدىڭ سولتۇستىكتەن وڭتۇستىككە قاراي دا، كەرى باعىتتا دا قوزعالىس باعىتىن وزگەرتۋ.
بۇدان باسقا، سورعى ستانسيالارىن، تازا سۋ رەزەرۆۋارلارىن جانە ماگيسترالدىق جەلىلەردى قايتا جاڭارتۋ جانە سالۋ بويىنشا جۇمىستار ورىندالدى، بۇل شاعىن اۋداننىڭ باتىس جانە شىعىس جاعىندا تاراتۋشى ينجەنەرلىك جەلىلەردى سالۋ جوباسى قوسىمشا ىسكە اسىرىلاتىن كامەنسكوە پلاتو اۋدانىنا تۇراقتى سۋ بەرۋدى قامتاماسىز ەتۋگە مۇمكىندىك بەردى. سونداي-اق، كولساي شاعىن اۋدانىن ورتالىقتاندىرىلعان سۋمەن جابدىقتاۋمەن قامتىلعان.
مەدەۋ اۋدانىندا ىسكە اسىرىلىپ جاتقان جوبالار اعىمداعى جىلدىڭ سوڭىنا دەيىن سۋلۋساي جانە مۇزتاۋ شاعىن اۋداندارىن سۋمەن جانە كارىزبەن قامتاماسىز ەتۋگە مۇمكىندىك بەرەدى.