جالپى، بيىل كارانتيندى بۇزعاندارعا قاتىستى 4409 حاتتاما تولتىرىلدى. ونىڭ ىشىندە 402 حاتتاما زاڭدى تۇلعالارعا، 4007ء-سى جەكە تۇلعاعا ارنالدى.
الماتىنىڭ ءموبيلدى توپتارى كۇشەيتىلگەن رەجيمدە جۇمىسىن جالعاستىرۋدا. ماۋسىمنىڭ 1-نەن 2-نە قاراعان ءتۇنى بەلگىلەنگەن شەكتەۋلەردى بۇزعان 4 جاعداي انىقتالدى. مونيتورينگتىك توپ وكىلدەرى "تابىس" كافەسى مەن "Cinema وسكار" كاراوكەسىندە ورىن العان زاڭ بۇزۋشىلىقتار تۋرالى ايتتى، دەپ حابارلادى Almaty-akkshamy.kz.
ايتا كەتسەك، وڭتۇستىك استانادا زاڭ بۇزۋشىلىقتاردى انىقتاۋ ءۇشىن كۇن سايىن 40 مونيتورينگتىك توپ سانيتارلىق جانە كارانتين نورمالارىنىڭ ساقتالۋىن تەكسەرەدى.
اۋەزوۆ اۋدانىنىڭ مونيتورينگتىك توبىنىڭ وكىلدەرى تۇنگى ساعات 02.00-دە جۇمىس ىستەپ تۇرعان اقساي-4 ىقشاماۋدانىنداعى "سinema وسكار"-داعى جاعدايدى مالىمدەدى.
ولاردىڭ ايتۋىنشا، اتالعان كاراوكە مەكەمەسى زاڭدى بىرنەشە رەت بۇزعان. بۇعان دەيىن زالداعى ادام سانىنىڭ كوپتىگى مەن ماسكا تاعىلماعانى ءۇشىن ايىپپۇل تولەگەن. ەندى جۇمىس رەجيمىن بۇزعانى ءۇشىن اكىمشىلىك جاۋاپكەرشىلىككە تارتىلادى. بۇل رەتتە اتالعان نىسانعا Ashyq جوباسى بويىنشا جۇمىسقا رۇقسات بەرىلدى. الايدا، اكىمشىلىك قوسىمشانىڭ مۇمكىندىكتەرىن پايدالانبايدى. سوندىقتان بۇل مەكەمەنى جوبا اياسىندا جۇمىس ىستەۋ قۇقىعىنان ايىرۋ تۋرالى ماسەلە كوتەرىلدى.
سول ءتۇنى كاراوكەدە بارلىعى 20-عا جۋىق ادام بولدى. ولاردىڭ ارقايسىسىمەن تۇسىندىرمە جۇمىستارى جۇرگىزىلدى.
سول ءتۇنى الاتاۋ اۋدانىنىڭ باقىلاۋ توبى "تابىس" كافەسىندە بەتپەردەسىز جۇرگەن قىزمەتكەرلەردى انىقتادى.
جىل باسىنان بەرى تەكسەرۋشىلەر 23 مىڭنان استام نىساندى تەكسەردى. وندا 2200-دەن استام كارانتين شارالارىن بۇزعان جاعدايلار انىقتالدى. قاساقانا بۇزۋشىلارعا قاتىستى 74 ماتەريال سوتقا جولدانسا، ونىڭ 54ء-ى بويىنشا قىزمەتتى توقتاتا تۇرۋ تۋرالى شەشىم قابىلداندى.
جالپى، بيىل كارانتيندى بۇزعاندارعا قاتىستى 4409 حاتتاما تولتىرىلدى. ونىڭ ىشىندە 402 حاتتاما زاڭدى تۇلعالارعا، 4007ء-سى جەكە تۇلعاعا ارنالدى.
حالىقتى تاعى دا كارانتين رەجيمىن قاتاڭ ساقتاۋعا شاقىرادى: ادامدار كوپ جينالاتىن جەردەن اۋلاق بولۋعا، ماسكا رەجيمى مەن الەۋمەتتىك قاشىقتىقتى ساقتاۋ قاجەتتىگىنە نازار اۋدارىلدى.