«قارعالى» وزەنىندە سۋ جيناۋ قۇرىلىسىن سالۋ جوسپارلانۋدا. ءبىرىنشى كەزەكتە سۋ دايىنداۋ ستانسياسىنىڭ قۇرىلىسى باستالدى.
سۋ قورىن ساقتاۋ ءۇشىن كولەمى 4000 م3 بولاتىن ەكى رەزەرۆۋار، كولدەنەڭ تۇندىرعىش، باقىلاۋ-وتكىزۋ پۋنكتى بار قىزمەتتىك بلوك، كىرەبەرىس جول جانە الاڭىشىلىك ينجەنەرلىك جەلىلەر سالۋ بويىنشا قۇرىلىس جۇمىستارى جۇرگىزىلۋدە. سۋ جيناۋ قۇرىلىسىنىڭ قولدانىستاعى ونىمدىلىگى تاۋلىگىنە 5440 م3 قۇرايدى. جوباعا سايكەس بۇل كورسەتكىشتى 2،75 ەسەگە، ياعني تاۋلىگىنە 15000 م3-گە دەيىن ۇلعايتۋ جوسپارلانۋدا، دەپ حابارلايدى Almaty-akshamy.kz
سونىمەن قاتار، اعىمداعى جىلدىڭ قىركۇيەك ايىندا نۇرلى كوشەسىندەگى بۇزىلعان جول ۋچاسكەسىنىڭ سابدەنوۆتەن رايىمبەك داڭعىلىنا دەيىنگى قۇرىلىسى اياقتالاتىن بولادى. كوشەنىڭ جالپى ۇزىندىعى 2 شاقىرىم، قازىرگى ۋاقىتتا جاياۋ جۇرگىنشىلەر تروتۋارلارى مەن ۆەلوجول سالۋ جۇمىستارى جۇرگىزىلۋدە.
اتالعان جوبانى ىسكە اسىرۋ ناۋرىزباي اۋدانىنىڭ كوشە-جول جەلىسىنىڭ كەپتەلىس دەڭگەيىن تومەندەتۋگە، قالانىڭ ينفراقۇرىلىمىن جانە كولىك ينفراقۇرىلىمىن بەلسەندى دامىتۋعا، سونداي-اق الماتى قالاسىنىڭ اۆتوجولدارىنىڭ كەپتەلىس ماسەلەسىن شەشۋگە مۇمكىندىك بەرەدى.
سونىمەن بىرگە، «جايلاۋ» شاعىناۋدانىندا كارىز جەلىلەرىن توسەۋ بويىنشا جۇرگىزىلگەن جۇمىستاردان كەيىن «سۇڭقار» ج ش س مەردىگەرلىك ۇيىمىنىڭ كۇشىمەن رەدكو كوشەسىندەگى اسفالت جابىنىن قالپىنا كەلتىرۋ جۇمىستارى باستالدى.