الماتىدا ەكى كۇندە جۇمىس رەجيمىن ەسكەرمەگەن جانە توي ۇيىمداستىرعان 40 مەكەمە انىقتالدى، دەپ حابارلايدى almaty-akshamy.kz
الماتىدا 26-28 تامىز ارالىعىندا بەلگىلەنگەن شەكتەۋلەردىڭ 20 رەت بۇزىلعانى انىقتالدى. 40 مونيتورينگتىك توپتىڭ وكىلدەرى كاسىپكەرلەرمەن كەزدەسىپ، مەملەكەتتىك باس سانيتارلىق دارىگەردىڭ تالاپتارىن ساقتاۋ جانە Ashyq جوباسىندا كەلۋشىلەردى تىركەۋ تالاپتارىن ورىنداۋ جانە باسقا كەلۋشىلەردىڭ جۇقتىرۋدى بولدىرماۋ قاجەتتىلىگىن تۇسىندىرۋدە.
الايدا قالاداعى ويىن-ساۋىق مەكەمەلەرىنىڭ يەلەرى كارانتيندىك شەكتەۋلەردى ەلەمەي، جۇمىس رەجيمىن بۇزىپ، بانكەتتەر وتكىزىپ، جۇرتشىلىقتىڭ جينالۋىنا جول بەرۋدە.
مىسالى، 26 تامىزدا ساعات 23.32 شاماسىندا اۋەزوۆ اۋدانىنىڭ ءموبيلدى توبى جازيرا شاعىناۋدانىنداعى "پەششەرا" كافەسىندە زاڭ بۇزۋشىلىقتى تىركەگەن. مەكەمە Ashyq جوباسىنىڭ كوشباسشىسى بولماسا دا، ساعات 22.00-دەن كەيىن جۇمىسىن جالعاستىرعان. كافەدەن 20 كەلۋشى شىعارىلدى.
سول كۇنى تاۋگۇل-1 شاعىناۋدانىندا ءتۇن ورتاسىندا جيىرما شاقتى دەمالۋشى بولعان "الي برو" كافەسىندە جۇمىس رەجيمىنىڭ بۇزىلعانى انىقتالدى.
27 تامىزدا المالى اۋدانىندا ساعات 23.30 شاماسىندا مۇراتبايەۆ كوشەسىندە La Janbyr كافەسى كارانتيندىك شەكتەۋدى بۇزىپ، جۇمىس ىستەدى. كافەدە 40 ادام بولعان. تولە بي كوشەسىندەگى "حان ساراي" مەيرامحاناسى دا جۇمىس ءتارتىبىن بۇزعان.
بوستاندىق اۋدانىندا 28 تامىز كۇنى ساعات 15.37-دە تيميريازيەۆ كوشەسىندەگى "ۆەرسال" مەيرامحاناسىندا "قىز ۇزاتۋ" (قالىڭدىقتى شىعارىپ سالۋ) ءىس-شاراسى وتكىزىلدى. تويعا كەلگەن 50 قوناقپەن پروفيلاكتيكالىق اڭگىمە جۇرگىزىلدى. سونداي-اق تۇنگى ساعات 2.00-دە "فا سول" كاراوكەنىڭ جۇمىسى توقتاتىلدى. مەكەمەدەن 40 ادام شىعارىلدى. سول ءتۇنى سەيفۋللين كوشەسىندەگى "مەگا كاراوكەدە" 50 كەلۋشى بولعان بۇزۋشىلىق انىقتالدى.
الماتىدا ەكىنشى اپتادا 150 ويىن-ساۋىق مەكەمەسىنىڭ جانىندا پوليسيانىڭ پاترۋلدىك اۆتوەكيپاجدارى بولدى، كۇن سايىن 130-عا جۋىق قىزمەتكەر كەزەكشىلىك اتقارۋدا.
قالا تۇرعىندارى ادامدار كوپ جينالاتىن جەرلەرگە بارۋدان باس تارتىپ، مۇمكىندىگىنشە ۇيدە بولعاندارى ءجون. قوعامدىق دەنساۋلىق باسقارماسىنىڭ مالىمەتىنشە، 31 تامىزدا مەگاپوليستە كوروناۆيرۋستىق ينفەكسيانىڭ 1 259 جاعدايى تىركەلگەن، ينفەكسيالىق ستاسيونارلاردا 5 095 ادام، ونىڭ ىشىندە 125 بالا بار. 10 307 پاسيەنت ۇيدە امساك ءموبيلدى بريگادالارىنىڭ جانە تەلەمەديسينا ورتالىعىنىڭ باقىلاۋىندا.
دەگەنمەن، كوروناۆيرۋس جۇقتىرعان الماتىلىقتار ءوزىن-وزى وقشاۋلاۋ رەجيمىن ەلەمەي وتىر. قالانىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتتەرى بويىنشا 9 ساۋىردەن 17 تامىزعا دەيىنگى ارالىقتا Ashyq قوسىمشاسىن سكانەرلەۋ ناتيجەسىندە 5 515 تۇرعىننىڭ «قىزىل» جانە 735 تۇرعىننىڭ «سارى» مارتەبەسى راستالدى.