الماتىدا جىلۋ جۇيەلەرى قىسقا دايىندالۋدا

الماتىدا جىلۋ جۇيەلەرىن 2022-2023 جىلعى كۇزگى-قىسقى كەزەڭگە دايىندىق بويىنشا كەشەندىك ءىس-شارالار وتكىزىپ جاتىر.

بۇل تۋرالى وڭىرلىك كوممۋنيكاسيالار قىزمەتىنىڭ بريفينگى بارىسىندا "الماتى جىلۋ جەلىلەرى" ج ش س باس ينجەنەرى دانيار قازىمبەتوۆ مالىمدەدى، دەپ حابارلايدى Almaty-akshamy.kz.

جىلىتۋ ماۋسىمى اياقتالعاننان كەيىن بىردەن جىلۋ ارالىق كەزەڭدە كاسىپورىن كەلەسى جىلىتۋ ماۋسىمىنا دايىندىق جۇرگىزەدى. قالالىق جىلۋ تراسسالارىندا الداعى 2022-2023 جىلعى جىلىتۋ ماۋسىمىنا دايىندىق شەڭبەرىندە جىلۋمەن جابدىقتاۋ جۇيەسىن جوندەۋ جانە جاڭعىرتۋ بويىنشا جوسپارلى جۇمىستار باستالادى.

جۇمىس جوسپارىنا سايكەس، الداعى جىلىتۋ ماۋسىمىنا ءساۋىر ايىنان باستاپ: 

- بارلىق جىلۋ جەلىلەرىن گيدراۆليكالىق سىعىمداۋ (جوندەۋگە دەيىن جانە جوندەۋدەن كەيىن)؛

- جىلۋ جەلىلەرىنىڭ جابدىقتارىن اعىمداعى جوندەۋ؛

- كەستەگە سايكەس، سورعى ستانسيالارىن اعىمداعى جوندەۋ؛

- وجپ جابدىقتارى مەن پاۆيلوندارىن جوندەۋ جۇمىستار جۇرگىزىلە باستايدى.

بۇگىنگى كۇنى جەتكىزۋشى جانە كەرى سۋ قۇبىرى بويىنشا گيدراۆليكالىق سىناقتار 100%-عا جۇرگىزىلدى، سونداي-اق زاقىمدانۋلار انىقتالعان ۋچاسكەلەردە تولىق كولەمدە جوندەۋ جۇمىستارى جۇرگىزىلدى.

گيدراۆليكالىق سىناقتار كەزەڭىندە 489 زاقىم تىركەلدى، بۇل 2021 جىلعى سىناقتار كەزەڭىنە قاراعاندا 99 (16،8%) از، 2021- 588 زاقىم.

انىقتالعان زالالدى جوندەۋ جۇمىستارىن 7 پايدالانۋ ايماعىنىڭ كۇشتەرى (33 ۋچاسكەدەن، بارلىعى 761 ادام)؛ 4 جوندەۋ - قۇرىلىس قىزمەتى (12 جوندەۋ بريگاداسىنان، بارلىعى 139 ادام)؛ 4 اپاتتىق بريگادا (تاۋلىك بويى اۋىسىمدا 24 ادام، بارلىعى - 98 ادام) جۇرگىزدى.

سونىمەن قاتار، بارلىق جوندەۋ بريگادالارى قاجەتتى ارنايى تەحنيكامەن جابدىقتالعان، مىسالى، 64 بىرلىك تەحنيكا جۇمىلدىرىلعان، ونىڭ ىشىندە: ارنايى تەحنيكا (تراكتور، ەكسكاۆاتور، كاماز، ماز، Hino)، «گازەل» جانە «سوبول» اۆتوماشيناسى بريگادا مۇشەلەرىن، گازبەن دانەكەرلەۋ جابدىقتارىن، قورشاۋ قالقاندارىن، اسپاپتاردى، 11،6 كۆت جانە 25 كۆت ديزەلدى ەلەكتر ستانسياسىن، «گنوم» ايداۋ سورعىلاردى، جەلدەتكىشتەردى، ەلەكترلى دانەكەرلەۋ اپپاراتىن، جارىقتاندىرۋ پروجەكتورىن تاسىمالداۋعا ارنالعان.

جوندەۋ كومپانياسى جىلۋ بەرۋ كەزەڭىندە ۇلكەن جارىلىس ورىن العان جانە جوسپاردان تىس اۋىستىرۋ قاجەت جىلۋ ماگيسترالدارىنىڭ ۋچاسكەلەرىندە دە جۇرگىزىلەدى. جالپى، جىلۋ جەلىلەرىندە اعىمداعى جىلى 9 كم جەلى اۋىستىرىلدى.

2022 جىلى جىلىتۋ ماۋسىمىنا دايىندىق كەزىندە كاسىپورىننىڭ الدىندا تۇرعان تاعى ءبىر مىندەت - ۇزىندىعى 4،7 كم جىلۋ جەلىلەرىنىڭ ۋچاسكەلەرىن اۋىستىرۋ. بۇل وسى جەلىلەردىڭ پايدالانۋ مەرزىمىنەن 25 جىلدان اسقاندىعىنا بايلانىستى بولادى.  

مىنا كوشەلەر اۋدانىندا جىلۋ جەلىلەرىن قايتا قۇرىلىمداۋ جۇمىستارى جۇرگىزىلدى:

-  قازىبايەۆ كوشەسىمەن سولتۇستىك باعىتتا سەرىكوۆ كوشەسىنەن №28 تۇرعىن ۇيگە دەيىن؛

- گۇلدەر ساياباعى بويىنشا قازىبايەۆ كوشەسىنە دەيىن؛
- تولە بي كوشەسىمەن ءۋاليحانوۆ كوشەسىنەن زەنكوۆ كوشەسىنە دەيىن؛
- پۋشكين كوشەسىمەن تولە بي كوشەسىنەن قاراساي باتىر كوشەسىنە دەيىن؛
- ەرعوجين كوشەسى بويىنشا؛
- سادوۆنيكوۆ كوشەسىمەن سايران كولى بويىمەن №82 تۇرعىن ۇيگە دەيىن،
سونداي-اق، جەتىسۋ اۋدانىنداعى ەكى سورعى ستانسياسى.

بۇل ءىس-شارالار كورسەتىلەتىن قىزمەتتەردىڭ ساپاسىن ارتتىرۋ ءۇشىن جۇرگىزىلەدى.
ايتا كەتەيىك، اعىمداعى جىلى الماتى قالاسى بويىنشا جىلۋ جەلىلەرىنىڭ توزۋى شامامەن 60% (811،5 كم) قۇرايدى.

بۇگىنگى تاڭدا بارلىق جىلۋ جەلىلەرى جەلىلىك سۋمەن تولتىرىلعان، جىلۋ جەلىلەرىن 2022-2023جج. جىلىتۋ ماۋسىمىنا بۇرۋعا جانە جىلۋ جەلىلەرىندە باياۋ اينالىم جاساۋعا دايىندىق جۇرگىزىلىپ جاتىر. اينالىم جىلىتۋ كەزەڭى باستالعانعا دەيىن 3 كۇن بۇرىن ىسكە قوسىلادى.

 جىلۋ جەلىلەرى ۇيگە (تەڭگەرىمدىك شەكتەۋ شەكاراسىنا دەيىن) دەيىن جىلۋمەن قامتاماسىز ەتۋدى جەتكىزەتىنىن اتاپ ءوتۋ ماڭىزدى. ءۇيدىڭ وزىنە كەلەتىن بولساق، مۇندا تۇرعىندار پيك نەمەسە ميب-مەن بىرلەسىپ، جىلىتۋ كەزەڭىندە ءۇيدىڭ ءۇي ىشىلىك جەلىلەرىن دايىنداۋى كەرەك، ياعني، بۇل جىلىتۋ جۇيەسىن جۋۋ، جوندەۋ جانە سىعىمداۋ، ءۇيدىڭ ءوزىن، شاتىردى، جەرتولەنى، تەرەزەنى، ەسىكتەردى جانە ت.ب. وقشاۋلاپ جابۋ.

پيك نەمەسە ميب مىندەتتى تۇردە جۇرگىزىۋى ءتيىس ۇيىشىلىك جىلۋمەن جابدىقتاۋ جۇيەسىنىڭ دايىندىق جۇمىستارىن جۇرگىزۋ، قىستا سۋىق مەزگىلدە قولايلى جاعدايلارعا كەپىلدىك بەرۋ ءۇشىن.

انىقتاما: جىلۋ جەلىلەرىنىڭ جالپى ۇزىندىعى - 1 352،33 كم، جىلۋ جەلىلەرى جۇمىسىنىڭ گيدراۆليكالىق رەجيمىن قامتاماسىز ەتۋ ءۇشىن – 67 سورعى ستانسياسى.