الماتىنىڭ ەنەرگەتيكا جانە سۋمەن جابدىقتاۋ باسقارماسى «الماتى قالا جارىق» مكك-مەن بىرلەسىپ، قالانىڭ سىرتقى جارىقتاندىرۋىن جاڭعىرتۋ باعدارلاماسى اياسىندا اتقارىلعان جۇمىستار تۋرالى حابارلادى.
جاڭارتىلعان نىسانداردىڭ قاتارىندا رەسپۋبليكا سارايى، شۋحوۆ جانە «درۋجبا» سكۆەرلەرى، تولەبايەۆ كوشەسىندەگى اللەيا، سەيفۋللين داڭعىلى، سونداي-اق شولوحوۆ جانە ساين كوشەلەرى بار، - دەپ حابارلايدى Aqshamnews.kz.
رەسپۋبليكا سارايىنىڭ اۋماعىندا 60 جاڭا جارىقتاندىرۋ تىرەگى ورناتىلىپ، 700 مەتر 5×10 كابەل تارتىلدى. شۋحوۆ سكۆەرىندە قۋاتى 100 ۆت (3000ك) 32 تورشەر شامى ورناتىلدى. «درۋجبا» ساياباعىندا 65 ەسكىرگەن شام ەنەرگيا تيىمدىلىگى جوعارى (100 ۆت، 3000ك) زاماناۋي جارىق كوزىنە اۋىستىرىلدى.
بۇدان بولەك،تولەبايەۆ كوشەسىندە 97 شام اۋىستىرىلىپ، تروتۋارلار بىركەلكىلكى جارىقتاندىرىلۋدا. شولوحوۆ كوشەسىندەگى ەسكى شامداردىڭ ورنىنا 210 تورشەر پايدا بولدى، سونىڭ ارقاسىندا ەنەرگيا تيىمدىلىگى دە ارتتى. ساين كوشەسىندەگى 150 ۆاتت شامداردى نەعۇرلىم قۋاتتى 200 ۆاتت شامدارعا اۋىستىرۋ جۇرگىزىلىپ جاتىر. ءقازىردىڭ وزىندە 750 شام جاڭارتىلدى.
اتالعان ءىس-شارالاردى جۇزەگە اسىرۋ جارىقتاندىرۋ دەڭگەيىن جانە جول قوزعالىسى قاۋىپسىزدىگىن ارتتىرۋعا، قالا تۇرعىندارى مەن قوناقتارى ءۇشىن نەعۇرلىم جايلى جاعداي جاساۋعا ىقپال ەتىپ، قوعامدىق كەڭىستىكتەرگە زاماناۋي ساۋلەتتىك كورىنىس بەرىپ وتىر.
